*రైలు ఢీ-కొని మధిర లో విధులు నిర్వహిస్తున్న రైల్వే సీనియర్ సిగ్నల్ టెక్నీషియన్ మృతి*

మధిర, సూర్య మేజర్ న్యూస్.

ఆదివారం రాత్రి  08:25 గంటలకు మధిర రైల్వే స్టేషన్ పరిధిలో విధులు నిర్వహిస్తున్న మద్దకూరి శివరామ బ్రహ్మం (44), తండ్రి రంగయ్య దొర, కులం కాపు, వృత్తి :సీనియర్ సిగ్నల్ టెక్నీషియన్ ప్రమాదవశాత్తు రైలు ఢీకొనడంతో మృతి చెందాడు. యూరాల్లోకెళ్తే విధి నిర్వహణ నిమిత్తం మధిర రైల్వే స్టేషన్ నుండి డౌన్ రైల్వే ట్రాక్‌పై నడుచుకుంటూ వెళ్తుండగా, అదే సమయంలో గంటకు సుమారు 95 కిలోమీటర్ల వేగంతో ప్రయాణిస్తున్న రైలు నంబర్ 20806 ఏపీ ఎక్స్‌ప్రెస్ ఢీకొనడంతో తీవ్ర గాయాలై అక్కడికక్కడే మృతి చెందినట్లు రైలే పోలీసులు తెలియజేశారు.
ఈ ఘటనపై మధిర స్టేషన్ మాస్టర్ ఖమ్మం స్టేషన్ మాస్టర్‌కు సమాచారం అందించగా, వారి ద్వారా అందిన సమాచారం మేరకు ఖమ్మం జీఆర్పీ పోలీస్ స్టేషన్‌ ఎస్ఐ సీహెచ్. వెంకటేశ్వరరావు కేసు నమోదు చేశారు. వారి ఆదేశాల మేరకు ఏ. సత్యనారాయణ రెడ్డి,  ప్రమాద స్థలానికి చేరుకుని విచారణ చేపట్టారు. అనంతరం మృతదేహాన్ని మధిర ప్రభుత్వ ఆసుపత్రికి తరలించి, మృతుడి బంధువులకు సమాచారం అందించారు. పోస్టుమార్టం అనంతరం మృతదేహాన్ని బంధువులకు అప్పగించారు.