జడ్పీటీసీ అభ్యర్థి డాక్టర్ తూమాటి శశిధర్ రెడ్డికి బోయిలచిరువెళ్ల నాయకుల మద్దతు

ఆత్మకూరు, మేజర్ న్యూస్ :  ఆత్మకూరు మండల జెడ్పిటిసి తెలుగుదేశం అభ్యర్థి డాక్టర్ తుమాటి శశిధర్ రెడ్డి కి మండలంలోని బోయల చిరువెళ్ల నాయకులు మద్దతు తెలిపారు.
ప్రచార కార్యక్రమంలో స్థానిక సమస్యలు, గ్రామాల అభివృద్ధిపై చర్చించారు. ఆంధ్రప్రదేశ్ రాష్ట్ర దేవాదాయ, ధర్మాదాయ శాఖామాత్యులు  ఆనం రామనారాయణ రెడ్డి  బలపరిచిన జడ్పీటీసీ అభ్యర్థి డాక్టర్ తూమాటి శశిధర్ రెడ్డి  ప్రచార కార్యక్రమంలో భాగంగా బోయిల చిరువెళ్ల పంచాయతీకి చెందిన నాయకులను ఆయన మర్యాదపూర్వకంగా కలిశారు.ఈ సందర్భంగా  బోయిల చిరువెళ్ల పంచాయతీ నాయకులు స్థానిక సమస్యలు, గ్రామాల అభివృద్ధి, ప్రజల అవసరాలు తదితర అంశాలపై చర్చించారు. గ్రామాల అభివృద్ధికి ప్రాధాన్యతనిస్తూ ప్రజలకు అందుబాటులో ఉండి సేవలందించే అంశాలపై అభిప్రాయాలను పంచుకున్నారు.
ఈ సమావేశం జడ్పీటీసీ ఎన్నికల ప్రచారంలో భాగంగా నిర్వహించబడింది.ఈ కార్యక్రమంలో మండల తెలుగుదేశం అధ్యక్షుడు సుంకర పెంచల చౌదరి,మాజీ సర్పంచులు మంతు యానాదిరెడ్డి, కరేటి హాజరత్ రెడ్డి, చెవుల వెంకటేశ్వర్లు, టి ఎన్ ఎస్ ఎఫ్ నియోజకవర్గ అధ్యక్షులు షేక్ హుస్సేన్ బాషా,నువ్వూరుపాడు టిడిపి యూనిట్ ఇంచార్జ్ కొండ్రెడ్డి రమణారెడ్డి తదితరులు పాల్గొన్నారు.