చేర్యాల మండలాన్ని కరువు మండలంగా ప్రకటించాలి.
చేర్యాల మండలాన్ని కరువు మండలంగా ప్రకటించాలి.
ఎండిపోతున్న పంటలను పరిశీలించి రైతాంగాన్ని ఆదుకోవాలి.
చేర్యాల : ఎల్ ని నో ప్రభావం వల్ల సరైన వర్షాలు లేక ఎండిపోతున్న పంటలను కాపాడుకునే పరిస్థితి లేనందున చేర్యాల మండలాన్ని వెంటనే కరువు మండలం గా ప్రకటించాలని అనావృష్టితో కొట్టుమిట్టాడుతూ మండల వ్యాప్తంగా పంటలను సంబంధిత అధికారులు పరిశీలించి రైతాంగాన్ని ఆదుకోవాలని తెలంగాణ రైతు సంఘం చేర్యాల మండల అధ్యక్ష, కార్యదర్శులు బోడిగం నర్సిరెడ్డి, నాగపురి కనకయ్యలు ప్రభుత్వాన్ని డిమాండ్ చేశారు. సోమవారం రోజున చేర్యాల రైతు వేదికలో ప్రభుత్వం నిర్వహిస్తున్న ప్రజావాణి కార్యక్రమంలో ప్రజావాణి అధికారులకు రైతు సంఘం మండల కమిటీ ఆధ్వర్యంలో మెమోరాండం అందించడం జరిగింది. ఈ సందర్భంగా తెలంగాణ రైతు సంఘం మండల కార్యదర్శి నాగపురి కనకయ్య మాట్లాడుతూ ఎల్ నినో ప్రభావం వల్ల ఈ సంవత్సరం కొద్దిపాటి వర్షాలకు రైతులు పంటలను విత్తుకోవడం పంటలు పూత, కాతా దశకు వచ్చేవరకు సాధారణ వర్షపాతం కంటే అతి తక్కువ వర్షపాతం నమోద యి నందున ప్రస్తుతము నెల రోజుల నుండి వర్షాలు రాకపోవడం వల్ల చుక్కనీరు లేక పంటలు పూర్తిగా ఎండిపోతున్నాయని వరి ,పత్తి, మొక్కజొన్న ప్రధాన పంటల దిగుబడులు పూర్తిగా తగ్గిపోయాయని, పంటల సాగుకు రైతులు పెట్టుబడి పెట్టి అప్పుల పాలయ్యారని ఈ రైతాంగాన్ని వెంటనే ప్రభుత్వం ఆదుకోవాలని వర్షాభావానికి తోడు కరెంటు కోతలు పెరిగిపోయి నాణ్యమైన విద్యుత్తు రైతులకు అందడం లేదని దీనివల్ల మోటార్లు కాలిపోతూ నష్టపోతున్నారని ఎల్ నీ నో ప్రభావం వల్ల భూగర్భ జలాలు అడుగంటి పోయాయని రాబోయే రోజుల్లో త్రాగునీటికి కూడా ఇబ్బందులు కలిగే పరిస్థితిలో మండలంలో ఉన్నాయని వీటన్నింటినీ దృష్టిలో ఉంచుకొని అధికారులు వాస్తవ పరిస్థితిని ప్రభుత్వానికి తెలియజేసి చేర్యాల మండలాన్ని కరువు మండలంగా ప్రకటించాలని డిమాండ్ చేయడం జరిగింది. ఈ కార్యక్రమంలో రైతు సంఘం టౌన్ కార్యదర్శి తుప్పతిరాజు, రైతు సంఘం మండల నాయకులు నంగి మైసయ్య తదితరులు పాల్గొన్నారు.
