ఏడుపాయల మంజీరా నదిలో తల్లి, ఇద్దరు కుమార్తెల కోసం గాలింపు:

కొల్చారం …కొల్చారం మండల పరిధిలోని ఏడుపాయలకు వెళ్లే మొదటి బ్రిడ్జి పక్కన ఉన్న మంజీరా నది వద్ద తల్లి తన ఇద్దరు కుమార్తెలతో కలిసి నదిలోకి వెళ్లినట్లు సమాచారం అందడంతో పోలీసులు గాలింపు చర్యలు చేపట్టారు.
కామారెడ్డి జిల్లా ఎల్లారెడ్డి మండలం మల్కాపూర్ గ్రామానికి చెందిన గంగుల సరిత (27), ఆమె కుమార్తెలు వైష్ణవి (7), శివానిక (6) కలిసి ఏడుపాయల మంజీరా నది వద్దకు వచ్చినట్లు సమాచారం. నదిలోకి వెళ్లే ముందు తన అక్కకు ఫోన్ చేసి, పిల్లలతో కలిసి ఆత్మహత్య చేసుకుంటున్నట్లు తెలిపినట్లు తెలిసింది.
సమాచారం అందుకున్న కుటుంబ సభ్యులు సంఘటనా స్థలానికి చేరుకుని పరిశీలించగా, నది ఒడ్డున వారి చెప్పులు, సెల్‌ఫోన్ కనిపించాయి. దీంతో మెదక్ ఫైర్ సిబ్బంది సహకారంతో మంజీరా నదిలో గాలింపు చర్యలు చేపట్టారు. అయితే, ముగ్గురి ఆచూకీ లభించలేదు. వారు ఈ నిర్ణయం తీసుకోవడానికి గల కారణాలు తెలియరాలేదు.విషయం తెలుసుకున్న మెదక్ రూరల్ సీఐ ఎం. కృష్ణమూర్తి, కొల్చారం ఎస్ఐ మహమ్మద్ మొహియుద్దీన్ సంఘటనా స్థలానికి చేరుకుని గాలింపు చర్యలను పర్యవేక్షించారు.