ఓటరు హక్కుల పరిరక్షణకు కాంగ్రెస్ కార్యాచరణ -"ఓట్ బచావో–దేశ్ బచావో "పై కాట శ్రీనివాస్‌ గౌడ్‌ ఆధ్వర్యంలో సమీక్ష
పటాన్‌చెరు, ; ఓటరు జాబితాల్లో తప్పుల సవరణ, అర్హులైన ప్రతి ఒక్కరికీ ఓటు హక్కు కల్పించే లక్ష్యంతో పటాన్‌చెరు నియోజకవర్గ కాంగ్రెస్ పార్టీ ఇన్‌చార్జి కాట శ్రీనివాస్‌ గౌడ్‌ కార్యాచరణకు శ్రీకారం చుట్టారు. ఓట్ బచావో–దేశ్ బచావో’ కార్యక్రమంలో భాగంగా మంగళవారం తన నివాసంలో సమీక్ష సమావేశం నిర్వహించారు.ఈ సమావేశానికి ఏఐసీసీ అబ్జర్వర్ సరల్‌ పటేల్‌, డీసీసీ అధ్యక్షుడు చంద్రశేఖర్‌ రెడ్డి, కోఆర్డినేటర్లు నాగరిగారి ప్రీతమ్‌, గూడూరు శ్రీనివాస్‌ ముఖ్య అతిథులుగా హాజరయ్యారు. ఈ సందర్భంగా ఓటరు జాబితాల ప్రత్యేక సమగ్ర సవరణ ప్రక్రియపై చర్చించారు.ఎస్‌ఐఆర్‌ ప్రక్రియలో ఓటరు జాబితాల్లోని తప్పులను గుర్తించి సరిచేయాలని, అర్హులైన ఓటర్లు తమ ఓటు హక్కును కోల్పోకుండా చూడాలని సమావేశంలో ప్రధానంగా చర్చించారు. ప్రజాస్వామ్య పరిరక్షణలో ఓటు హక్కు ప్రాధాన్యతపై ప్రజలకు అవగాహన కల్పించేందుకు కార్యక్రమాన్ని విస్తృతంగా ముందుకు తీసుకెళ్లే అంశాలపై సమీక్షించారు.
