ఒక అవకాశం ఇస్తే.. అభివృద్ధి చేసి చూపిస్తా... కేశవరెడ్డి..!

ఒక అవకాశం ఇస్తే.. అభివృద్ధి చేసి చూపిస్తా... కేశవరెడ్డి..!

- పట్టణ అభివృద్ధి కూటమితోనే సాధ్యం..

- 24వ వార్డు కౌన్సిలర్ అభ్యర్థి శ్రీనివాసరెడ్డి

- ప్రచారంలో స్పీడ్ పెంచిన మాండ్ర శివానందరెడ్డి

నందికొట్కూరు రూరల్ మేజర్ న్యూస్-: మున్సిపాలిటీ పరిధిలోని 24వ వార్డు ప్రజలు తనకు ఒక అవకాశం ఇస్తే అభివృద్ధి చేసి చూపిస్తానని 24 వ వార్డు టిడిపి కౌన్సిలర్ అభ్యర్థి కేశవరెడ్డి శ్రీనివాసరెడ్డి వార్డు ప్రజలకు విజ్ఞప్తి చేశారు. మంగళవారం నందికొట్కూరు పట్టణం సాయిబాబాపేట ముబారక్ ఫంక్షన్ హాల్ ఏరియాలో 24వ వార్డులో నిర్వహించిన “చెప్పాం.. చేస్తున్నాం” డోర్ టు డోర్ ప్రచార కార్యక్రమంలో నందికొట్కూరు టిడిపి సీనియర్ నాయకులు  మాండ్ర శివానందరెడ్డి ఎన్నికల ప్రచారంలో పాల్గొన్నారు. ఇంటింటికీ తిరుగుతూ కూటమి ప్రభుత్వం అమలు చేస్తున్న అభివృద్ధి, సూపర్ 6 సంక్షేమ పథకాలను వివరించి నందికొట్కూరు కూటమి మున్సిపల్ చైర్మన్ అభ్యర్థి మొల్ల సాబీరున్నిసా, 24వ వార్డు కౌన్సిలర్ అభ్యర్థి శ్రీనివాస్ రెడ్డి కి తెలుగుదేశం పార్టీ సైకిల్ గుర్తుపై రెండు ఓట్లు  వేసి అత్యధిక మెజారిటీతో గెలిపించాలని ప్రజలను కోరారు. పట్టణాభివృద్ధి కూటమి ప్రభుత్వంతోనే సాధ్యమవుతుందని పట్టణ వాసులకు పిలుపునిచ్చారు.