16వ డివిజన్ కార్పొరేటర్‌గా నాగభూషణంను గెలిపించండి:

తిరుపతి నగరపాలక సంస్థ పరిధిలోని 16వ డివిజన్ తెలుగుదేశం పార్టీ కార్పొరేటర్‌ అభ్యర్థిగా ఆర్. నాగభూషణంను గెలిపించాలని రజక కార్పొరేషన్ రాష్ట్ర డైరెక్టర్ కరాటే చంద్ర, రజక సంఘం జిల్లా నేత చెంబకూరు రాజయ్య ఓటర్లను అభ్యర్థించారు.
మంగళవారం మారుతీ నగర్, రాయల్ నగర్, ఎస్వీ నగర్ ప్రాంతాలలో జనసేన, టీడీపీ, బీజేపీ నాయకులు,  కార్యకర్తలతో కలిసి కరాటే చంద్ర, చెంబకూరు రాజయ్య ఇంటింటా ప్రచారం నిర్వహించారు.
ఆర్. నాగభూషణంను గెలిపిస్తే వార్డులోని సమస్యలన్నింటినీ వీలైనంత త్వరగా పరిష్కరించే దిశగా చొరవ చూపుతామన్నారు. ముఖ్యమంత్రి చంద్రబాబు నాయుడు, డిప్యూటీ సీఎం పవన్ కళ్యాణ్, యువనేత మంత్రి నారా లోకేశ్ నేతృత్వంలో రాష్ట్రం అభివృద్ధి పథంలో దూసుకుపోతోందని చెప్పారు.
నవంబర్ 1వ తేదీన జరిగే పోలింగ్‌లో 16వ డివిజన్ టీడీపీ కార్పొరేటర్‌గా నాగభూషణంకు వరుస నంబర్ 1 (సైకిల్ గుర్తు) పై మీ అమూల్యమైన ఓట్లు వేసి, వేయించి గెలిపించాలని అభ్యర్థించారు. అలాగే మేయర్ అభ్యర్థి   జెబీ శ్రీనివాస్ (అలియాస్ మన్యం శ్రీనివాస్ ప్రసాద్) వరుస నంబర్ 2 (సైకిల్ గుర్తు) పై మీ ఓట్లు వేసి గెలిపించాలని కోరారు.
ఈ ప్రచార కార్యక్రమంలో తిరుపతి కోఆపరేటివ్ బ్యాంక్ మాజీ డైరెక్టర్ ఆర్. మునిరామయ్య, కూటమి పార్టీల నాయకులు పాల్గొన్నారు.

H. Dwaraka, staff reporter 

Cell no 9705347341