డివిజన్ కార్పొరేటర్‌గా ఒక అవకాశం ఇవ్వండి.. అభివృద్ధి చేసి చూపిస్తాం – టీడీపీ రాష్ట్ర మైనార్టీ కార్యనిర్వాహక కార్యదర్శి మహబూబ్ బాషా

తిరుపతి, (మేజర్ న్యూస్):

తిరుపతి కార్పొరేషన్ ఎన్నికల్లో 41వ డివిజన్ టీడీపీ కార్పొరేటర్ అభ్యర్థిగా పోటీ చేస్తున్న షేక్ నసీమున్నీసాను అత్యధిక మెజారిటీతో గెలిపించాలని టీడీపీ రాష్ట్ర మైనార్టీ కార్యనిర్వాహక కార్యదర్శి మహబూబ్ బాషా ఓటర్లను కోరారు.
మంగళవారం 41వ డివిజన్ పరిధిలోని తిలక్ రోడ్డు, ఎస్‌కేడీ నగర్ తదితర ప్రాంతాల్లో
టీడీపీ, జనసేన పార్టీల నాయకులు, కార్యకర్తలతో కలిసి ఆయన ఇంటింటా ప్రచారం నిర్వహించారు.
ఈ సందర్భంగా మీడియా ప్రతినిధులతో మహబూబ్ బాషా మాట్లాడుతూ... తన సతీమణి నసీమున్నీసాకు ఒక్క అవకాశం ఇచ్చి గెలిపిస్తే డివిజన్‌ను అన్ని రంగాల్లో సమగ్ర అభివృద్ధి చేయడంతో పాటు, రాజకీయ పార్టీలకు అతీతంగా అర్హులైన ప్రతి ఒక్కరికీ సంక్షేమ పథకాలను అందిస్తామని స్పష్టం చేశారు. నారా చంద్రబాబు నాయుడు నాయకత్వంలో ఉప ముఖ్యమంత్రి పవన్ కళ్యాణ్ యువ నేత మంత్రి నారా లోకేష్ ల ఆధ్వర్యంలో రాష్ట్రం అభివృద్ధి పథంలో ముందుకు సాగుతోందని ఆయన పేర్కొన్నారు.
41వ డివిజన్ ప్రజలు ఆలోచించి, మంచి అభ్యర్థి అయిన నసీమున్నీసాను ఆశీర్వదించాలని కోరారు. గెలిపించిన నాటి నుండి ప్రజలందరికీ ఎల్లప్పుడూ అందుబాటులో ఉంటూ, ఏ సమస్య వచ్చినా ముందుండి పరిష్కరిస్తామని ఈ సందర్భంగా ఆయన హామీ ఇచ్చారు.
ఈ కార్యక్రమంలో 
టీడీపీ, జనసేన, బీజేపీ నాయకులు, కార్యకర్తలు పెద్ద ఎత్తున పాల్గొన్నారు.

H. Dwaraka, staff reporter,

Cell no 

9705347341