ఓటేసి ఆశీర్వదించండి. అండగా ఉంటాం జలదంకి లో టిడిపి ఇంటింటి ప్రచారం

జలదంకి, మేజర్ న్యూస్ :  స్థానిక సంస్థల ఎంపీటీసీ ఎన్నికల్లో తమకు ఓటేసి గెలిపించాలని టిడిపి అభ్యర్థులు ఓటర్లను అభ్యర్థించారు. టిడిపి జలదంకి-1,  జలదంకి- 2 ఎంపీటీసీ అభ్యర్థులు పూనూరు సరిత, కొలకలపూడి భవానీలు ఇంటింటి ప్రచారం నిర్వహించారు.   సోమవారం టిడిపి నేతలు కొలకల పూడి బ్రహ్మారెడ్డి, పులుగుంట మధుమోహన్ రెడ్డి, కూరపాటి మాలకొండారెడ్డి, ఇతర టిడిపి నేతలతో కలిసి వారు ఇంటింటి ప్రచారం నిర్వహించి తమ అమూల్యమైన ఓటును సైకిల్ గుర్తుపై వేసి అత్యధిక మెజారిటీతో గెలిపించాలని ఓటర్లను అభ్యర్థించారు. సీఎం చంద్రబాబు నాయుడు, యువనేత లోకేష్ ల ఆధ్వర్యంలో  రాష్ట్రం అభివృద్ధి పథంలో ముందుకు పోతుందని, వారి ఆశయాలకు అనుగుణంగా ప్రజలకు అండగా ఉంటామని, తమను ఆదరించాలని కోరారు. ఈ కార్యక్రమంలో టిడిపి నాయకులు కార్యకర్తలు పాల్గొన్నారు.