కొమురం భీమ్ వర్ధంతిని రాష్ట్రవ్యాప్తంగా నిర్వహించాలి ఆదివాసీ సంఘాల నేతల డిమాండ్

కొమురం భీమ్ వర్ధంతిని రాష్ట్రవ్యాప్తంగా నిర్వహించాలి
ఆదివాసీ సంఘాల నేతల డిమాండ్

సూర్య, నిర్మల్ జిల్లా ప్రతినిధి

నిర్మల్: ఆదివాసీ హక్కుల కోసం నిజాం ప్రభుత్వానికి వ్యతిరేకంగా పోరాడిన కొమురం భీమ్ వర్ధంతిని రాష్ట్రంలోని అన్ని జిల్లాల్లో అధికారికంగా నిర్వహించాలని ఆదివాసీ సంఘాల నేతలు డిమాండ్ చేశారు. ఉమ్మడి ఆదిలాబాద్ జిల్లాకే పరిమితం చేయడం సరికాదన్నారు.

నిర్మల్‌లో సోమవారం ఆదివాసీ నాయక పోడు సంఘం జిల్లా అధ్యక్షుడు సాకి లక్ష్మణ్ ఆధ్వర్యంలో కొమురం భీమ్ 86వ వర్ధంతిని నిర్వహించి నివాళులర్పించారు. ఆయన ఆశయాలను భావితరాలకు తెలియజేయాలని, ఆదివాసీల హక్కులు, ఆత్మగౌరవ పరిరక్షణకు ప్రభుత్వం చర్యలు తీసుకోవాలని నాయకులు కోరారు.

కార్యక్రమంలో సంఘం రాష్ట్ర ఉపాధ్యక్షుడు వెంకగారి భూమయ్య, ముసలి చిన్నయ్య, సుంచు సవీన్, రామేష్, జంగిలి రాకేష్, మంద మల్లేష్, బోసని రాజేశ్వర్, తోడుసం గోవర్ధన్ తదితరులు పాల్గొన్నారు.