వాల్మీకి జయంతి వేడు కాలు ఘనంగా నిర్వహించారు

రామాయంపేట;రామాయంపేట మండలం ఆర్ వెంకటాపూర్ గ్రామంలో వాల్మీకి జయంతి వేడుకలను వాల్మీకి బోయ సంఘం మండల అధ్యక్షుడు కే గట్టయ్య ఆధ్వర్యంలో ఘనంగా నిర్వహించారు. ఈ సందర్భంగా గ్రామంలోని మహర్షి వాల్మీకి దేవాలయంలో ప్రత్యేక పూజలు నిర్వహించి వాల్మీకి మహర్షి ఆశీస్సులు అందరికీ ఉండాలని ప్రార్థించారు. అనంతరం జెండా ఆవిష్కరణ కార్యక్రమాన్ని నిర్వహించారు. ఈ వేడుకల్లో గ్రామస్తులు వాల్మీకి బోయ సంఘం సభ్యులు పాల్గొని వాల్మీకి జయంతిని భక్తిశ్రద్ధలతో జరుపుకున్నారు. ఈ కార్యక్రమంలో గ్రామ సర్పంచ్ వెంకుగారి ఉమారాణి సంజీవరెడ్డి, వార్డు సభ్యులు రాచపల్లి ఎల్లం, కీసరి నాగరాణి రాజా గౌడ్, అనురాధ నరేష్, వాల్మీకి బోయ సంఘం సభ్యులు సుతారి శ్రీనివాస్, స్వామి నరసింహులు రవి పెంటయ్య అంజయ్య తదితరులు పాల్గొన్నారు.