*ఆదికవి మహర్షి వాల్మీకి సేవలు చిరస్మరణీయం.. ఆయన ఆశయాలు సమాజానికి ఆదర్శం*

కోహిర్;సంగారెడ్డి జిల్లా కోహిర్ మండల కేంద్రంలోని తహసీల్దార్ కార్యాలయంలో ఆదివారం వాల్మీకి జయంతి వేడుకలను ఘనంగా నిర్వహించారు. ఈ సందర్భంగా ఆదికవి మహర్షి వాల్మీకి చిత్రపటానికి పూలమాలలు వేసి అధికారులు, సిబ్బంది ఘనంగా నివాళులర్పించారు.రామాయణ మహాకావ్యాన్ని రచించి భారతీయ సంస్కృతి, సాహిత్యానికి అపారమైన సేవలందించిన మహర్షి వాల్మీకి జీవిత విశేషాలను ఈ సందర్భంగా స్మరించుకున్నారు. ఆయన రచనలు మానవతా విలువలు, ధర్మం, సత్యం, నైతికతను ప్రతిబింబిస్తాయని పేర్కొన్నారు. మహర్షి వాల్మీకి చూపిన మార్గం నేటి సమాజానికి స్ఫూర్తిదాయకమని, ఆయన ఆశయాలను ప్రతి ఒక్కరూ ఆదర్శంగా తీసుకొని ముందుకు సాగాలని సూచించారు.ఈ కార్యక్రమంలో కోహిర్ మండల తహసీల్దార్ సుప్రియ, డిప్యూటీ తహసీల్దార్ మల్లేశం, రెవెన్యూ ఇన్‌స్పెక్టర్ అశ్విన్, సర్వేయర్ నర్సింలు, సీనియర్ అసిస్టెంట్ నాగరాజు, జూనియర్ అసిస్టెంట్ నాగరాణితో పాటు జీపీఆర్ఓలు ఖాదర్, సతీష్, యాదగిరి, మల్లేశ్వరి, శ్రీనివాస్ తదితర కార్యాలయ సిబ్బంది పాల్గొన్నారు.