telangana
జిల్లా బీజేవైఎం కార్యదర్శిగా పట్లోళ్ల విక్రమ్ రెడ్డి
మోమిన్‌పేట్, మేజర్ న్యూస్: వికారాబాద్ జిల్లా భారతీయ జనతా యువమోర్చా (బీజేవైఎం) కార్యదర్శిగా పట్లోళ్ల విక్రమ్ రెడ్డి నియమితులయ్యారు. బీజేవైఎం రాష్ట్ర అధ్యక్షుడు కండే గణేష్ ఆదేశాల మేరకు జిల్లా బీజేవైఎం అధ్యక్షుడు డి. శ్రీకాంత్ రెడ్డి, జిల్లా బీజేపీ అధ్యక్షుడు యు. రమేష్ కుమార్ ఈ నియామకాన్ని ప్రకటించారు.ఈ సందర్భంగా నూతనంగా నియమితులైన జిల్లా బీజేవైఎం కార్యదర్శి పట్లోళ్ల విక్రమ్ రెడ్డి మాట్లాడుతూ, తనపై నమ్మకం ఉంచి ఈ బాధ్యతలు అప్పగించిన బీజేవైఎం రాష్ట్ర, జిల్లా నాయకత్వానికి, జిల్లా బీజేపీ అధ్యక్షుడికి, పార్టీ నాయకులకు ప్రత్యేక కృతజ్ఞతలు తెలిపారు.యువత ఎదుర్కొంటున్న సమస్యల పరిష్కారానికి, వారి అభివృద్ధికి కృషి చేస్తానని అన్నారు. ప్రజా సమస్యల పరిష్కారంలో చురుకుగా పాల్గొంటూ, పార్టీ సిద్ధాంతాలకు కట్టుబడి బీజేవైఎం అభివృద్ధికి అంకితభావంతో పనిచేస్తానని పేర్కొన్నారు. జిల్లాలో యువతను సంఘటితం చేసి, పార్టీ బలోపేతానికి నిరంతరం కృషి చేస్తానని విక్రమ్ రెడ్డి తెలిపారు.
