11వ డివిజన్‌లో కొండ గీతికకు మద్దతుగా వేమిరెడ్డి పట్టాభిరామిరెడ్డి ప్రచారం

నెల్లూరు,  మేజర్ న్యూస్ :  నెల్లూరు నగరపాలక సంస్థ ఎన్నికల నేపథ్యంలో 11వ డివిజన్ కూటమి కార్పొరేటర్ అభ్యర్థి కొండ గీతికకు మద్దతుగా ఆంధ్రప్రదేశ్ రాష్ట్ర పౌరసరఫరాల సంస్థ డైరెక్టర్ వేమిరెడ్డి పట్టాభిరామిరెడ్డి ప్రచారం నిర్వహించారు. డివిజన్ పరిధిలోని శివాజీ నగర్, పార్క్ సెంటర్ ప్రాంతాల్లో పర్యటిస్తూ స్థానిక ప్రజలను కలుసుకున్నారు.  ఈ సందర్భంగా 11వ డివిజన్ కార్పొరేటర్ అభ్యర్థి కొండ గీతికతో పాటు, నెల్లూరు నగర మేయర్ కూటమి అభ్యర్థి పోలుబోయిన రూప్ కుమార్ యాదవ్‌కు మద్దతు ఇవ్వాలని ఆయన ప్రజలను కోరారు. రాబోయే ఎన్నికల్లో కూటమి అభ్యర్థులకు తమ ఓటు ద్వారా మద్దతు అందించాలని విజ్ఞప్తి చేశారు.  ఈ ప్రచార కార్యక్రమంలో స్థానిక నాయకులు, కూటమి కార్యకర్తలు, ప్రజలు తదితరులు పాల్గొన్నారు.