అంగరంగ వైభవంగా శ్రీవారి రథోత్సవం

ద్వారకాతిరుమల మేజర్ న్యూస్: ద్వారకాతిరుమల శ్రీ వెంకటేశ్వర స్వామి వారి అశ్వయుజ మాస తిరు కళ్యాణ మహోత్సవాలు సందర్భంగా సోమవారం రాత్రి శ్రీవారి రథోత్సవం అంగరంగ వైభవంగా జరిగింది. ముందుగా స్వామి వారి రథాన్ని రకరకాల పుష్పమాలికలతో, అరటి బోధలతో, విద్యుత్ దీపాలతో, అలంకరించారు. శ్రీ స్వామివారిని అమ్మవార్లను ప్రత్యేక వాహనంపై  ఆలయం నుంచి  రథం వద్దకు తెచ్చారు. ఆలయ కార్య నిర్వహణ అధికారి వేండ్ర త్రినాధరావు, ఆలయ ధర్మకర్తల మండలి అనువంశిక ధర్మకర్త ఎస్వీఎస్. నివృత రావు, ట్రస్ట్ బోర్డు సభ్యులు, ప్రత్యేక పూజలు అనంతరం రథోత్సవం ప్రారంభమైంది. శ్రీదేవి, భూదేవి, సమేత శ్రీ వెంకటేశ్వర స్వామి వారు, భక్తులను కటాక్షిస్తూ తిరువీధుల్లో విహరించారు. స్వామివారు రథంపై విహరిస్తుండగా భక్తుల అడుగడుగున హారతులు సమర్పిస్తూ గోవిందా గోవిందా అంటూ భక్తి పారవస్యంతో మునిగిపోయారు. వందలాది మంది భక్తులు స్వామివారి రథాన్ని భక్తిశ్రద్ధలతో లాగుతూ స్వామివారి అనుగ్రహాన్ని పొందారు.  ఆద్యంతం శ్రీ స్వామివారి రథోత్సవం మేళ తాళాలు, మంగళ వాయిద్యాలు, చిత్ర విచిత్ర వేషాలు, వేదమంత్రాలు, బాణాసంచా నడుమ,  శాస్త్రోక్తంగా జరిగింది.