పోలింగ్ అధికారులకు శిక్షణ

రాజాం, సూర్య : స్థానిక ప్రభుత్వ ఉన్నత పాఠశాలలో స్థానిక ఎన్నికలకు సంబంధించి పోలింగ్ నిర్వహణ అధికారులు, సిబ్బందికి ఒక్క రోజు శిక్షణా కార్యక్రమం సోమవారం నిర్వహించారు.మొత్తం 202 మందికి గానూ 197 మంది పీఓలు, ఏపీఓలు, జోనల్ ఆఫీసర్లు, రూట్ ఆఫీసర్లు ఈ శిక్షణకు హాజరయ్యారు. వీరికి పోలింగ్ నిర్వహణపై మాష్టర్ ట్రైనీలు పలు అంశాలు వివరించారు. రాజాం మండల ఎన్నికల అధికారి అల్లు సోమేశ్వరరావు, ఎంపీడీఓ జె ఆనందరావులతో పాటు మాష్టర్ ఆఫ్ ట్రైనీలు, ఎస్.పైడిరాజు, ఎస్, కొండలరావు, టి. వాసుదేవరావు, ఆర్.దాలినాయుడులు పాల్గొన్నారు.