సిపిఐ,సీపీఎం అభ్యర్థుల నామినేషన్లు తిరస్కరించడం దుర్మార్గం

నెల్లూరు రూరల్ మేజర్ న్యూస్ :  నెల్లూరు రూరల్ మండలంలోని ములుమూడి ఎంపీటీసీ స్థానానికి సీపీఎం నుండి అట్లా అనిల్ కుమార్, అట్లా అంజయ్య, సిపిఐ నుండి కొర్రా రఫీ నామినేషన్ లను తిరస్కరించగా, అప్పీలు అధికారి ( ఆర్డీవో ) వద్ద విచారణకు అభ్యర్థులు హాజరయ్యారు. ముగ్గురి నామినేషన్ దరఖాస్తులు ఎన్నికల నిబంధనల ప్రకారం పూర్తి చేసినప్పటికీ, ఆర్ఓ తిరస్కరించారు. వెంటనే అభ్యర్థులు, ఆర్డీవో  దగ్గర అప్పీలు చేయడం జరిగింది. అప్పీలు అధికారి వద్ద సోమవారం నాడు విచారణ జరుతుందని చెప్పగా, అభ్యర్థులు వెళ్ళారు. అప్పీలు అధికారి అయిన నెల్లూరు ఆర్డీవో, ఎలాంటి విచారణ జరపకుండానే, ఆఫీస్ కు హాజరు కాకుండానే, విచారణ చేసినట్లు , నామినేషన్లు తిరస్కరిస్తూ ఉత్తర్వులు ఇచ్చారు. ఎన్నికల అధికారులు పారదర్శకంగా వ్యవహరించలేదు. అప్పీలు అధికారి తీరును భారత కమ్యూనిస్టు పార్టీ (మార్క్సిస్టు), నెల్లూరు రూరల్ మండల కమిటీ తీవ్రంగా ఖండిస్తున్నది. ఈఘటనపై జిల్లా ఎన్నికల అధికారులు విచారణ జరిపి, వామపక్ష అభ్యర్థుల నామినేషన్లు ఆమోదించాలని కోరుతున్నాము. ఈ కార్యక్రమంలో  సిపిఎం జిల్లా కమిటి సభ్యులు ఆలూరు తిరుపాలు మండల కార్యదర్శి పి జనార్ధన్ తదితరులు పాల్గొనడం జరిగింది.