చదువుతోపాటు సేవా కార్యక్రమాల్లో ముందుండాలి

రామాయంపేట;విద్యార్థులు చదువుతో పాటు సమాజసేవ కార్యక్రమాలలో ముందు ఉండాలని రామాయంపేట ప్రభుత్వ జూనియర్ కళాశాల ప్రిన్సిపాల్, హిమ జ్యోతి చెప్పారు. సోమవారం కళాశాలకు చెందిన జాతీయ సేవా పథకం (NSS) విద్యార్థుల ఆధ్వర్యంలో శ్రమదాన కార్యక్రమం నిర్వహించారు. ఈ సందర్భంగా కళాశాల పరిసర ప్రాంతాలలో పెరిగిన పిచ్చి మొక్కలను విద్యార్థులు తొలగించారు. అనంతరం ప్రిన్సిపాల్ మాట్లాడుతూ జాతీయ సేవా పథకం ద్వారా విద్యార్థులు చేస్తున్నా సామాజిక సేవా కార్యక్రమాలు. సమాజానికి ఆదర్శంగా నిలుస్తాయని చెప్పారు. విద్యార్థులు క్రమశిక్షణతో చదువుకొని ఉన్నత స్థాయికి రావాలని సూచించారు. సమాజ సేవలో పాల్గొనే విద్యార్థులకు జాతీయ సేవా పథకం ద్వారా ప్రశంస పత్రాలు అందజేయడం జరుగుతుందన్నారు. ప్రతి ఒక్కరూ నీటిని పొదుపుగా వాడుకోవాలని సూచించారు. రానున్న రోజుల్లో కరువు పరిస్థితులు ఏర్పడనున్నట్లు ఆమె తెలిపారు .నీటిని వృధా చేయకుండా గ్రామాలలో ఎన్ఎస్ఎస్ విద్యార్థులు ప్రజలకు అవగాహన కల్పించవలసిన అవసరం ఎంతైనా ఉందన్నారు. కార్యక్రమంలో ఎన్ఎస్ఎస్ ప్రోగ్రాం అధికారి బాలా గౌడ్ కళాశాల అధ్యాపకులు, విద్యార్థులు పాల్గొన్నారు.