అర్నాబ్ తుఫాన్ దృష్ట్యా ముందస్తు జాగ్రత్తలు తీసుకోవాలి

రేగిడి, సూర్య :  అర్నాబ్ తుఫాన్ ప్రభావం తీవ్రంగా ఉంటుందని ప్రభుత్వ హెచ్చరికల మేరకు మండలం లో ముందస్తు జాగ్రత్తలు తీసుకోవాలని సచివాలయ అధికారులకు సూచించారు. ప్రతిసచివాలయం సమీపంలో పవర్ జనరేటర్ సిద్దంగా ఉంచి కనీసం మూడు రోజుల పాటు సరిపడా ఇంధనం నిల్వ చేసుకోవాలన్నారు.ఏ సెంటర్ లో అయితే జనరేటర్ అవసరంపడుతుందో అక్కడ కూడా జనరేటర్ అందుబాటులో ఉంచాలన్నారు.చెట్లు పడిన చోట మార్గాలను సుగమం చేయాలని, ఎక్కడైతే విద్యుత్ వైర్లు తెగిపోతాయోఆ ప్రదేశాల్లో విద్యుత్ సరఫరా తాత్కాలికంగా ఆపేందుకు సంబంధిత శాఖతో సమన్వయం చేయాలన్నారు.తుఫాన్ తగ్గిన తర్వాత విద్యుత్ పునరుద్ధరణకు సంబంధిత శాఖను సిద్దం చేయాలన్నారు.విఆర్ఓ లతో పాటు సచివాలయ ఉద్యోగులు ఎవరు సెలవు పెట్టకుండా 24గంటలూ సచివాలయంలో ఉండి విధులు నిర్వహిస్తూ నదులు, చెరువులు వంటి ప్రమాదకర ప్రాంతాలకు ఎవరు వెళ్ళకుండా జాగ్రత్తలు తీసుకోవాలన్నారు.ముఖ్యంగా నదీతీర గ్రామాల ప్రజలు అప్రమత్తంగా ఉండేలా వారికి అవగాహన కల్పించాలన్నారు.సచివాలయంలో జనరేటర్ లు,టార్చి లైట్లు, సోలార్ లైట్లు సిద్దంగా ఉంచాలని, ప్రతి ఒక్కరూ తమ ఫోన్లు పూర్తిగా చార్జింగ్ ఉంచుకోవాలని సూచించారు.

రిపోర్టర్ : రాము నాయుడు, గుర్ల, విజయనగరం జిల్లా.