విద్యార్థి దశ దేశభక్తికి బంగారు బాట, జిల్లా న్యాయ సేవాధికార సంస్థ సెక్రెటరీ నిహారిక

విద్యార్తి దశ దేశ భవిష్యత్తుకు బంగారు బాట లాంటిదని జీవితంలో గొప్ప లక్ష్యాన్ని నిర్దేశించుకొని విద్యార్థులు చదువుకోవాలని జిల్లా న్యాయ సేవాధికార సంస్థ సెక్రెటరీ నిహారిక అన్నారు. రాష్ట్ర హైకోర్టు ఆదేశానుసారం జిల్లా న్యాయ సేవ అధికార సంస్థ  ఆధ్వర్యంలో సోమవారం  పట్టణంలోని జిల్లా పరిషత్ ఉన్నత పాఠశాలలో సురక్షిత్ బచ్పన్ అభియాన్ ఏ పాన్ ఇండియా స్కూల్ అవేర్నెస్ క్యాంపెయిన్ గురించి విద్యార్థులకు న్యాయ విజ్ఞాన సదస్సు నిర్వహించడం జరిగింది.కార్యక్రమానికి ముఖ్యఅతిథిగా హాజరై న్యాయమూర్తి మాట్లాడుతూ సురక్షిత్ బచ్‌పన్ అభియాన్  భారతదేశంలో పిల్లల రక్షణ, హక్కులు , వారి భద్రతను పెంపొందించడం కోసం ఉద్దేశించిన ఒక ముఖ్యమైన కార్యక్రమం అని తెలిపారు.
దేశవ్యాప్తంగా పిల్లల అక్రమ రవాణా , బలవంతపు బాల కార్మిక వ్యవస్థను అరికట్టడం,
చిన్న పిల్లలపై జరిగే లైంగిక దాడులు, వేధింపులను అడ్డుకోవడం, పోక్సోచట్టం పై పాఠశాలల్లో విద్యార్థులకు, ఉపాధ్యాయులకు అవగాహన కల్పించడమని తెలిపారు. ప్రతి బిడ్డకు స్వేచ్ఛగా చదువుకునే, ఆడుకునే సురక్షితమైన వాతావరణాన్ని అందించడం, పాఠశాలల్లో విద్యార్థులకు గుడ్ టచ్ - బ్యాడ్ టచ్  గురించి వివరిస్తారను, చైల్డ్‌ హెల్ప్ లైన్ 1098 పిల్లల అత్యవసర రక్షణ కోసం ఉపయోగించుకోవాలి అన్నారు.  ప్రతి ఒక్కరు చట్టాల పట్ల కనీస అవగాహన కలిగి ఉండాలి అన్నారు.  ప్రతి ఒక్కరూ అవగాహన కలిగి ఉండడం వల్ల సమాజంలో నేరాలు జరగకుండా అరికట్టవచ్చని అన్నారు.  

పి. వినయ్ కుమార్, నాగర్‌కర్నూల్ క్రైమ్, సూర్య న్యూస్