ఓటర్ల జాబితా సిద్ధం - పరిశీలన కొరకు ప్రదర్శన కమిషనర్ ఏసుబాబు

తాడేపల్లిగూడెం, మేజర్ న్యూస్; తాడేపల్లిగూడెం పురపాలక సంఘంలో డీ-లిమిటేషన్ లో భాగంగా 35 వార్డుల నుండి 48 వార్డులుగా విభజించిన విషయం తెలిసిందే. ఈరోజు 48 వార్డులకు సంబంధించిన ఓటర్ల జాబితాను పరిశీలన కొరకు పురపాలక కార్యాలయంలో ప్రదర్శన చేయడం జరిగింది. అదే విధంగా అన్ని ప్రభుత్వ కార్యాలయాలైన సబ్ రిజిస్టర్ ఆఫీస్, కోర్టు, ఆర్డీవో ఆఫీస్, ఎంఆర్వో ఆఫీస్ మరియు ఇతర ప్రభుత్వ కార్యాలయాలలో కూడా ఓటర్ల జాబితాను ఉంచడం జరిగింది. ఈ సందర్భంగా మున్సిపల్ కమిషనర్ ఎం. యేసుబాబు మాట్లాడుతూ, 48 వార్డులకు గాను మొత్తం 1,00,728 మంది ఓటర్ల జాబితా సిద్ధం చేసి ప్రచురణ చేసామని తెలిపారు. ప్రతి ఓటరు తన పేరు, వార్డు నెంబర్, పోలింగ్ స్టేషన్ వివరాలను పరిశీలించుకోవాలని, 48 వార్డు లకు సంబంధించిన మ్యాప్ ను కూడా అందుబాటులో ఉంచామని తెలియచేశారు. ఓటర్లు అందరూ ఈ అవకాశాన్ని వినియోగించుకోవాలని కమిషనర్ తెలియజేశారు. ఈ కార్యక్రమంలో అసిస్టెంట్ కమిషనర్ డి భవాని బాబు, మున్సిపల్ మేనేజర్ పి ప్రసాద్ రావు, అసిస్టెంట్ సిటీ ప్లానర్ జి సీతారాం, స్వర్ణ గ్రామం స్వర్ణ వార్డు మేనేజర్ నాగరాజు, మున్సిపల్ అధికారులు, సిబ్బంది పాల్గొన్నారు.