ప్రజావాణికి రెండు దరఖాస్తులు

రామాయంపేట : నిజాంపేట మండల కేంద్రంలోని మండల ప్రజా పరిషత్ కార్యాలయంలో సోమవారం ఇన్‌చార్జి ఎంపీడీవో ముజాహిద్ ఆధ్వర్యంలో ప్రజావాణి కార్యక్రమం నిర్వహించారు. ఈ సందర్భంగా ఉపాధి హామీ, రెవెన్యూ, ఇందిరమ్మ ఇళ్లకు సంబంధించిన సమస్యలపై మొత్తం రెండు దరఖాస్తులు అందినట్లు అధికారులు తెలిపారు.ఈ సందర్భంగా ఇన్‌చార్జి ఎంపీడీవో ముజాహిద్ మాట్లాడుతూ.. ప్రతి సోమవారం మండల ప్రజా పరిషత్ కార్యాలయంలో ప్రజల సమస్యల పరిష్కారం కోసం ప్రజావాణి కార్యక్రమాన్ని నిర్వహిస్తున్నట్లు తెలిపారు. ప్రజలు తమ సమస్యలను సంబంధిత అధికారుల దృష్టికి తీసుకువచ్చి, ప్రజావాణి కార్యక్రమాన్ని సద్వినియోగం చేసుకోవాలని కోరారు.ఈ కార్యక్రమంలో సీనియర్ అసిస్టెంట్ కరిముల్లా, విద్యుత్ శాఖ ఏఈ గణేష్, ఇరిగేషన్ అధికారి మహరాజ్, తహసీల్దార్ కార్యాలయ సీనియర్ అసిస్టెంట్ రమేష్, ఏపీఎం అశోక్ తదితరులు పాల్గొన్నారు.