పోలీసు ఆదేశాలు బేఖాతరు..లక్ష్మీనగరంలో అక్రమ టపాసుల జోరు.విచారించి చర్యలు తీసుకుంటాం.సీఐ వెంకటప్పయ్య.

పోలీసు ఆదేశాలు బేఖాతరు..లక్ష్మీనగరంలో అక్రమ టపాసుల జోరు.

* అనుమతులు లేకుండా.. జన సమూహం నడుమే అమ్మకాలు.

* విచారించి చర్యలు తీసుకుంటాం.సీఐ వెంకటప్పయ్య.

దుమ్ముగూడెం సూర్య (మేజర్ న్యూస్)::

పండుగ వేళ ఆనందాలు పంచాల్సిన దీపావళి దమ్ముగూడెం మండల ప్రజలకు మాత్రం ఇప్పుడు ప్రమాదం పొంచి ఉంది. మండలంలోని అత్యంత రద్దీ ప్రాంతమైన లక్ష్మీనగరం ప్రధాన సెంటర్‌లో అనుమతులు లేకుండా  టపాసుల వ్యాపారం నిర్వహిస్తూ జనాల ప్రాణాలతో చెలగాటమాడుతున్నారు.దీపావళి బాణసంచా అమ్మకాలు జరపాలంటే ఖచ్చితంగా పోలీసు,ఫైర్ సేఫ్టీ అనుమతులు, జనావాసాలకు,రద్దీ ప్రాంతాలకు దూరంగా బహిరంగ ప్రదేశాల్లోనే దుకాణాలు ఏర్పాటు చేయాలని అధికారులు ఒకపక్క స్పష్టమైన ఉత్తర్వులు జారీ చేశారు. కానీ లక్ష్మీనగరం సెంటర్‌లోని వ్యాపారులు అధికారుల ఆదేశాలను ఏమాత్రం లెక్కచేయకుండా నిబంధనలను నట్టేట ముంచుతూ అక్రమ విక్రయాలకు కొనసాగిస్తున్నారు.ప్రధాన రహదారి పక్కన ఎటువంటి జాగ్రత్తలు పాటించకుండా నిత్యం వందలాది మంది ప్రయాణికులు,వాహనాలు రాకపోకలు సాగించే ప్రధాన రహదారిపై భారీ మొత్తంలో బాణసంచా నిల్వ ఉంచి విక్రయిస్తున్నారు.ఏ చిన్న అజాగ్రత్త జరిగి నిప్పు రవ్వ పడినా..క్షణాల వ్యవధిలో పెను అగ్నిప్రమాదం సంభవించే ముప్పు పొంచి ఉందనడంలో ఎలాంటి సందేహం లేదు.ఇప్పటికైనా సంబంధిత అధికారులు తక్షణమే స్పందించి, అనుమతులు లేని ఈ అక్రమ బాణసంచా దుకాణాలపై కఠిన చర్యలు తీసుకోవాలని మండల ప్రజలు కోరుతున్నారు. ఈ అనుమతుల విషయ దుమ్ముగూడెం సిఐ వెంకటప్పయ్య వివరణ కోరగా.. లక్ష్మీనగరంలో ఏర్పాటుచేసిన బాణసంచా విక్రయాలపై ఎటువంటి అనుమతులు పోలీస్ శాఖ నుంచి తీసుకోలేదని తెలిపారు విచారించి చర్యలు తీసుకుంటామని సి ఐ తెలిపారు.