నగర ప్రజలందరికీ దీపావళి శుభాకాంక్షలు — నగర మేయర్ రమేష్ గౌడ్
అనంతపురం బ్యూరో మేజర్ న్యూస్ :
దీపావళి పండుగ సందర్భంగా అనంతపురం నగర ప్రజలందరికీ అనంతపురం నగరపాలక సంస్థ మేయర్ రమేష్ గౌడ్ దీపావళి శుభాకాంక్షలు తెలియజేశారు. దీపావళి అంటే కేవలం దీపాల పండుగ మాత్రమే కాదు.. అజ్ఞానాన్ని తొలగించి, జ్ఞానం, సమాజం, సహకారం, శాంతి మరియు సంతోషాన్ని ప్రతి ఇంటిలో నింపే పర్వదినం.
ఈ పవిత్ర పండుగ ప్రతి కుటుంబానికి ఆర్థిక అభివృద్ధిని, ఆరోగ్యాన్ని, ఐశ్వర్యాన్ని, ఆనందాన్ని ప్రసాదించాలని కోరుతున్నాను. అందరూ తమ ఇళ్లలో దీపాలు వెలిగించి, ప్రేమతో, సోదరభావంతో, సంతోషంగా పండుగను జరుపుకోవాలని కోరుతున్నాను.
పట్టణ ప్రజల సహకారంతో నగరాన్ని మరింత పరిశుభ్రంగా, సుందరంగా, సురక్షితంగా తీర్చిదిద్దే బాధ్యతను తాను తీసుకుంటున్నానని, పండుగ సమయంలో భద్రతకు ప్రాధాన్యం ఇవ్వాలని, పటాసులు, దీపాలు, విద్యుత్ దీపాలను జాగ్రత్తగా వాడాలని, పరిసరాల పరిశుభ్రతకు ప్రత్యేక శ్రద్ధ తీసుకోవాలని తెలియజేశారు.
ఈ దీపావళి అందరి జీవితాల్లో కొత్త ఆశలను, కొత్త ఆశయాలను, కొత్త శుభాలను తెచ్చిపెట్టాలని.. మళ్ళీ ఒకసారి నగర ప్రజలందరికీ దీపావళి శుభాకాంక్షలు.
