మహిళా సంఘం భవనం శిలాఫలకం తొలగింపు… కేసు నమోదు

రాత్రి వేళ శిలాఫలకాన్ని తొలగించి తీసుకెళ్లినట్లు ఫిర్యాదు

బండ అజయ్, బండి దయాకర్, అల్లాడ భరత్‌కుమార్‌తో పాటు మరికొందరిపై కేసు

షాబాద్, మేజర్ న్యూస్ (నవంబర్ 08)

షాబాద్ మండలం రుద్రారం గ్రామంలో మహిళా సంఘం భవనం వద్ద ఏర్పాటు చేసిన శిలాఫలకాన్ని తొలగించి తీసుకెళ్లిన ఘటనపై షాబాద్ పోలీసులు కేసు నమోదు చేశారు. ఈ నెల 6న ఉదయం 9 గంటలకు మహిళా సంఘం భవనం వద్ద శిలాఫలకాన్ని ఏర్పాటు చేయగా, మరుసటి రోజు తెల్లవారుజామున సుమారు 2 గంటల సమయంలో కొందరు వ్యక్తులు దానిని తొలగించి తీసుకెళ్లినట్లు రుద్రారం గ్రామస్తులు పోలీసులకు ఫిర్యాదు చేశారు.ఈ ఘటనపై రుద్రారం గ్రామ సర్పంచ్ గొల్లగూడెం యాది రెడ్డి (46) ఇచ్చిన ఫిర్యాదు మేరకు బండ అజయ్, బండి దయాకర్, అల్లాడ భరత్‌కుమార్‌తో పాటు మరికొందరిపై పోలీసులు కేసు నమోదు చేశారు. ఘటనపై పూర్తి వివరాలు సేకరిస్తూ దర్యాప్తు చేపట్టినట్లు షాబాద్ పోలీసులు తెలిపారు.