రామాచార్లపల్లి-2లో టిడిపి అభ్యర్థి బెల్లె రెడ్డిప్రసాద్ విజయం : శుభాకాంక్షలు తెలిపిన ఎమ్మెల్యే,పార్టీ శ్రేణులు

మదనపల్లి,మేజర్ న్యూస్ : మదనపల్లి మండలం,రామాచార్లపల్లి-2లో కూటమి బలపరిచిన తెలుగుదేశం పార్టీ అభ్యర్థి బెల్లె రెడ్డి ప్రసాద్ అద్భుత విజయం సాధించారు.ఈ సందర్భంగా బెల్లె రెడ్డి ప్రసాద్ మాట్లాడుతూ ఈ విజయాన్ని పంచాయతీ ప్రజలకు అంకితం చేస్తున్నానన్నారు.కూటమి ప్రభుత్వం అమలు చేస్తున్న సూపర్ సిక్స్ పథకాలతో ప్రతి ఇంట ఆనందం వెల్లివిరుస్తోందన్నారు.ముఖ్యమంత్రి చంద్రబాబు నాయుడు పాలనలో రాష్ట్రం శరవేగంగా అభివృద్ధి చెందుతోందన్నారు.ఇక ఎమ్మెల్యే షాజహాన్ బాషా సారధ్యంలో మదనపల్లి నియోజకవర్గం అభివృద్ధి పథంలో దూసుకుపోతుందన్నారు.నియోజకవర్గం అభివృద్ధి,ప్రజా సంక్షేమం కోసం అహర్నిశలు శ్రమిస్తున్నారని కొనియాడారు.తనను గెలిపించిన రామాచార్లపల్లి-2 ప్రజలకు రుణపడి ఉంటానని,ఎమ్మెల్యే సహకారంతో పంచాయతీ అభివృద్ధికి శక్తి వంచన లేకుండా పనిచేస్తానని ఆయన స్పష్టం చేశారు.తన గెలుపునకు సహకరించిన కోటమి నాయకులకు కార్యకర్తలకు పేరుపేరునా కృతజ్ఞతలు తెలియజేస్తున్నానన్నారు.

రిపోర్టర్ : కే.ఈశ్వర్ రెడ్డి, మదనపల్లి నియోజకవర్గం ఇంచార్జి