కొత్తిండ్లు -1లో ఎగిరిన వైఎస్సార్సీపీ జెండా : హోరాహోరీ పోరులో హబీబ్ ఘనవిజయం

మదనపల్లి,మేజర్ న్యూస్ : మదనపల్లి మండలం,కొత్తిండ్లు -1 ఎంపీటీసీ స్థానాన్ని వైఎస్సార్సీపీ కైవసం చేసుకుంది.శనివారం ఆదిత్య కళాశాలలో జరిగిన ఓట్ల లెక్కింపులో వైకాపా అభ్యర్థి హబీబ్ ఉత్కంఠ విజయం సాధించారు.ఈ సందర్భంగా హబీబ్ మాట్లాడుతూ అభివృద్ధి,సంక్షేమమే వైఎస్ఆర్సిపి నినాదమన్నారు.గతంలో మాజీ ముఖ్యమంత్రి వైఎస్ జగన్మోహన్ రెడ్డి నవరత్నాలు సంక్షేమ పథకాలను ప్రవేశపెట్టి ప్రజల జీవితాల్లో వెలుగులు నింపారని కొనియాడారు.ప్రజల ఆశీర్వాదంతో కొత్తిండ్లు -1లో విజయం సాధించడం ఆనందంగా ఉందని,పంచాయతీని అన్ని రంగాల్లో అభివృద్ధి చేసి ప్రజలు నమ్మకాన్ని నిలబెట్టుకుంటానని ఆయన స్పష్టం చేశారు.అనంతరం వైకాపా యువజన విభాగం రాష్ట్ర కార్యదర్శి షేక్ ఇర్ఫాన్ మాట్లాడుతూ నాటి జగనన్న ప్రజారంజక పాలన ప్రజలు ఇప్పటికీ గుర్తు చేసుకుంటున్నారన్నారు.నాడు అర్హులైన ప్రతి ఒక్కరికి సంక్షేమ పథకాలను పారదర్శకంగా అమలు చేయడం జరిగిందన్నారు.కొత్తిండ్లు -1లో వైకాపా అభ్యర్థిని గెలిపించిన ఓటర్లకు కృతజ్ఞతలు తెలుపుకుంటున్నామన్నారు.అదేవిధంగా మాజీ మంత్రి పెద్దిరెడ్డి రామచంద్రారెడ్డి,ఎంపీ పెద్దిరెడ్డి మిథున్ రెడ్డి,వైకాపా సమన్వయకర్త నిస్సార్ అహ్మద్,మాజీ ఎమ్మెల్యే డాక్టర్ దేశాయ్ తిప్పారెడ్డి,నియోజకవర్గం పరిశీలకులు అనూషా రెడ్డిలకు ధన్యవాదాలు తెలుపుకుంటున్నామన్నారు.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి