ఓటు హక్కు పరిరక్షణపై ప్రజల్లో అవగాహన కల్పించాలి
సూర్య జగిత్యాల ప్రతినిధి: జగిత్యాల జిల్లా కేంద్రంలో ప్రబుద్ధ భారత్ ఇంటర్నేషనల్ ఆధ్వర్యంలో జగిత్యాల జిల్లా డిక్కీ కో ఆర్డినేటర్ నల్ల శ్యామ్ అధ్యక్షతన నిర్వహించే ప్రతి ఆదివారం అంబెడ్కర్ స్మరణం కార్యక్రమానికి ఈ వారం ముఖ్య అతిథిగా కాంగ్రెస్ పార్టీ ఎస్సీ సెల్ జిల్లా అధ్యక్షులు, జగిత్యాల మున్సిపల్ కౌన్సిలర్ దుమాల రాజ్ కుమార్ హాజరై అంబెడ్కర్ విగ్రహానికి పూలమాలలు వేసి నివాళులర్పించారు. ఈ సందర్భంగా మాట్లాడుతూ ప్రజాస్వామ్యంలో ఓటు హక్కు అత్యంత కీలకమైనదని, ప్రతి పౌరుడు తన ఓటు హక్కును వినియోగించుకోవడంతో పాటు దాని పరిరక్షణకు బాధ్యతగా వ్యవహరించాలని అన్నారు. కార్యక్రమంలో మాల మహానాడు ఆఫ్ ఇండియా జిల్లా అధ్యక్షులు చిత్తారి ప్రభాకర్, గొడిసెల అశోక్ రాజు, బొల్లారపు శ్రీధర్, పట్టణ రిటైర్డ్ ఉద్యోగస్తుల సంఘం ప్రధాన కార్యదర్శి కంటే అంజయ్య, దళిత క్రిస్టియన్ జిల్లా అధ్యక్షులు ముద్దమల్ల ప్రవీణ్ కుమార్, తన్నీరు నారాయణ, దాసరి లచ్చయ్య, దాసరి ప్రవీణ్, రుద్ర మనోహర్, సుంకర పెళ్లి అశోక్ పాల్గొన్నారు.
