మహారాష్ట్రలో దారుణం: బీడ్ జిల్లాలో పులి దాడికి వ్యక్తి బలి

మహారాష్ట్రలోని బీడ్ జిల్లా ఆష్టి తాలూకాలో ఘోర ప్రమాదం జరిగింది. పశువులకు మేత కోసేందుకు వెళ్లిన ఒక వ్యక్తిపై పులి హఠాత్తుగా దాడి చేసి ఘోరంగా చంపేసింది. అనంతరం మృతదేహాన్ని సమీపంలోని దట్టమైన చెట్ల పొదల్లోకి లాక్కెళ్లింది. ఈ ఘటనతో స్థానిక గ్రామాల్లో తీవ్ర భయాందోళనలు వ్యక్తమవుతున్నాయి. సమాచారం అందుకున్న అటవీశాఖ అధికారులు సంఘటనా స్థలానికి చేరుకుని పరిశీలించారు. సమీప గ్రామాల ప్రజలు, రైతులు ఒంటరిగా అటవీ ప్రాంతాలకు లేదా పొలాలకు వెళ్లవద్దని, నిరంతరం అప్రమత్తంగా ఉండాలని అటవీశాఖ అధికారులు తీవ్ర హెచ్చరికలు జారీ చేశారు.