కొల్లూరులో రూ. 90 కోట్ల భూ కుంభకోణం: నలుగురిని అరెస్ట్ చేసిన సీఐడీ

హైదరాబాద్ శివార్లలోని సంగారెడ్డి జిల్లా కొల్లూరు ప్రాంతంలో భారీ భూ కుంభకోణం వెలుగుచూసింది. రూ. 90 కోట్ల విలువైన సుమారు 3 ఎకరాల భూమిని అక్రమంగా మ్యుటేషన్ చేసినట్లు తెలంగాణ సీఐడీ (CID) దర్యాప్తులో నిర్ధారణ అయింది. భూభారతి చట్టం-2025 నిబంధనలను ఉల్లంఘించి డిజిటల్ భూ రికార్డులను ట్యాంపరింగ్ చేసినట్లు అధికారులు కనుగొన్నారు. ఈ కేసుకు సంబంధించి భూభారతి ఆపరేటర్‌తో సహా నలుగురు నిందితులు శివ, రాజేందర్, పవన్, మహేష్‌లను సీఐడీ అధికారులు అరెస్ట్ చేసి న్యాయస్థానంలో హాజరుపరచగా, కోర్టు వారికి రిమాండ్ విధించింది. రికార్డుల హెచ్చుతగ్గులు, పోర్టల్ దుర్వినియోగం వెనుక ఉన్న మరికొందరి పాత్రపై సీఐడీ లోతుగా విచారణ కొనసాగిస్తోంది.