పంట కుంటతో పల్లీ పంటకు నీటి తడి

నవాబుపేట సూర్య న్యూస్: ఎల్‌నినో ప్రభావంతో వర్షాలు ఆశించిన స్థాయిలో కురవకపోవడంతో రైతులు సాగునీటి కోసం ఇబ్బందులు పడుతున్నారు.అయినప్పటికీ నవాబుపేట గ్రామానికి చెందిన రైతు ద్యావని రాములు తన మూడు ఎకరాల పొలంలో వేరుశనగ (పల్లీ) సాగు చేపట్టి పంటను కాపాడుకునేందుకు ప్రత్యేక శ్రద్ధ తీసుకుంటున్నాడు.పంట సాగు కోసం ఇప్పటివరకు సుమారు రూ.1.70లక్షలు ఖర్చు చేశాడు.తన పొలంలోనే పంట కుంటను ఏర్పాటు చేసుకుని అందులో నిల్వ చేసిన నీటిని స్ప్రింక్లర్ల ద్వారా పంటకు అందిస్తున్నాడు.వ్యవసాయానికి విద్యుత్ సరఫరా ఉదయం 3.30 గంటల నుంచి సాయంత్రం 5గంటల వరకు ఉండటంతో పొలంలోనే ఉంటూ నీటి తడులు అందిస్తున్నాడు.ఎండలు,వర్షాభావ పరిస్థితులను తట్టుకుంటూ కంటికి రెప్పలా పంటను కాపాడుకుంటున్నాడు.పంట కుంట ఏర్పాటు చేసుకుని సాగునీటి ఇబ్బందులను అధిగమిస్తూ సాగు చేస్తున్న రాములు కృషి తోటి రైతులకు ఆదర్శంగా నిలుస్తోంది.