కొత్త కొత్తూరు లో న్యాయసేవా దినోత్సవం

కొత్తూరు, సూర్య : పేద బలహీన బడుగు వర్గాల ప్రజలకు అందిస్తున్న ఉచిత న్యాయ సహాయాన్ని సద్వినియోగం చేసుకోవాలని మండల సేవా కమిటీ చైర్ పర్సన్ కొత్తూరు జూనియర్ సివిల్  జడ్జి  కందికట్ల రాణి అన్నారు. కొత్తూరు కోర్టు ఎదురుగా ఉన్న కొత్త కొత్తూరు లో న్యాయ సేవా దినోత్సవం సందర్బంగా సోమవారం న్యాయ విజ్ఞాన సదస్సు జడ్జి కందికట్ల రాణి అధ్యక్షతన నిర్వహించారు. ఈ సందర్బంగా జడ్జి మాట్లాడుతూ అందరికీ సమాన న్యాయం అందుబాటులో ఉండేలా ఉండేందుకు  ఏర్పాటు చేస్తున్న న్యాయ విజ్ఞాన అవగాహన సదస్సులు ప్రజలు అవగాహన చేసుకోవాలని జడ్జి అన్నారు.సమాజం లో బలహీన, వెనుకబడిన మరియు పేద వర్గాల వారికీ ఉచిత న్యాయ సహాయం అందించడం జరుగుతుందన్నారు. బ్యాంకు రికవరీ కేసులు, వరకట్న వేధింపులు, సివిల్ కేసులు భూ తగాదా, మనోవర్తి, విడాకులుకేసులు, సెల్ ఫోన్లు వలన కలిగే నష్టాలు తెలియజేశారు.  ఉచితంగా న్యాయ సలహాలు సూచనలు అందించడం తో పాటు ఆర్ధిక స్తోమత లేనివారు, నిస్సహాయ స్థితిలో ఉన్న నిరుపేదలకు ప్రభుత్వ ఖర్చులతో న్యాయవాదిని సమకూర్చి బాధితుల పక్షాన నిలబడి వారికి తగిన న్యాయం జరిగేలా చర్యలు తీసుకోవడం జరుగుతుందని తెలిపారు. కార్యక్రమంలో బార్ అసోసియేషన్ ప్రసిడెంట్ సి హెచ్ రవికిరణ్, వలు రౌతు సుధాకరరావు, ఏ జి పి  యం అప్పారావు, వి ఫాల్గుణ రావు రాడ రాజు, యస్ హరిబాబు, జి ఫల్గుణరావు,  ఉమామహేశ్వరావు,కోర్టు సిబ్బంది తదితరులు పాల్గొన్నారు.