భారీ విజయం బాధ్యతను పెంచింది *తెర్లాం జెడ్పీటీసీ సిరిసహస్ర

విజయనగరం  మేజర్ న్యూస్:

తెర్లాం ప్రజలు భారీ మెజారిటీతో గెలిపించడం ద్వారా తన బాధ్యతను పెంచారని జెడ్పీటీసీ సిరిసహస్ర  అన్నారు.
విజయనగరంలోని ధర్మపురిలో గల 'సిరి సహస్ర రైజింగ్ ప్యాలెస్' నాయకులు, కార్యకర్తల కోలాహలంతో సందడిగా మారింది. తెలుగుదేశం పార్టీ అరకు పార్లమెంటరీ పరిశీలకులు, ఉమ్మడి విజయనగరం జిల్లా పరిషత్ మాజీ చైర్‌పర్సన్ కుమార్తె, తెర్లాం జడ్పిటిసి  సిరిసహస్ర భారీ మెజార్టీతో ఘన విజయం సాధించిన సందర్భంగా పలువురు ప్రముఖులు, పార్టీ ప్రజాప్రతినిధులు సిరిసహస్ర , ప్రదీప్ నాయుడు లను మర్యాదపూర్వకంగా సోమవారం కలిసి శుభాకాంక్షలు తెలిపారు.
ఈ సమావేశంలో పలువురు సీనియర్ నాయకులు సిరిసహస్ర ,ప్రదీప్ నాయుడు దంపతులను పూలమాలలు, శాలువాలతో ఘనంగా సత్కరించారు. తెర్లాం మండల ప్రజల ఆకాంక్షలకు అనుగుణంగా నియోజకవర్గ అభివృద్ధికి శ్రమించాలని నాయకులు ఆకాంక్షించారు.
తనను కలిసి అభినందించిన ప్రతి  ఒక్కరికీ సిరిసహస్ర , ప్రదీప్ నాయుడు హృదయపూర్వక ధన్యవాదాలు తెలిపారు.
ప్రజలు తనపై ఉంచిన నమ్మకాన్ని నిలబెట్టుకుంటూ తెర్లాం మండల సర్వతోముఖాభివృద్ధికి నిరంతరం అందుబాటులో ఉంటానని ఈ సందర్భంగా ఆమె స్పష్టం చేశారు.

శ్రీనివాస్ బ్యూరో విజయనగరం