పాపికొండల విహారయాత్ర ప్రారంభం..

భద్రాచలం/పోచవరం:ప్రకృతి ప్రేమికులు ఎప్పుడెప్పుడా అని ఎదురుచూస్తున్న పాపికొండల గోదావరి విహారయాత్ర పునఃప్రారంభమైంది. ఇటీవల సంభవించిన తుఫాన్ ప్రభావం, నదిలో వరద ఉద్ధృతి కారణంగా గత నెల 26వ తేదీ నుంచి నిలిపివేసిన బోటు సర్వీసులను అధికారులు నేటి నుంచి తిరిగి ప్రారంభించారు.

వాతావరణం అనుకూలించడంతో పాటు గోదావరిలో నీటిమట్టం సాధారణ స్థితికి చేరుకోవడంతో పర్యాటక శాఖ, జలవనరుల అధికారులు బోట్ల రాకపోకలకు అనుమతులు ఇచ్చారు. పోచవరం బోటు పాయింట్ నుంచి పాపికొండల వైపు వెళ్లే లాంచీలు, బోట్లు పర్యాటకులకు తిరిగి అందుబాటులోకి వచ్చాయి.

పర్యాటకుల భద్రత దృష్ట్యా ప్రతి బోటులో లైఫ్ జాకెట్లు, అత్యవసర రక్షణ పరికరాలను నిర్ నిర్బంధంగా పాటించాలని అధికారులు నిర్వాహకులను ఆదేశించారు. చాలా రోజుల విరామం తర్వాత యాత్ర ప్రారంభం కావడంతో పోచవరం పర్యాటక ప్రాంతం వద్ద మళ్లీ కోలాహలం మొదలైంది.