విశాఖ భీమిలి బీచ్ వద్ద ఘోర రోడ్డు ప్రమాదం..
మూడు పల్టీలు కొట్టిన కారు..
అక్కడక్కడే ఒకరు మృతి,ముగ్గురికి తీవ్ర గాయాలు
ఐఎన్ఎస్ కళింగ సమీపంలో త్రినేత్ర గోడను ఢీకొన్న కారు.. గీతం విద్యార్థులుగా అనుమానం
విశాఖపట్నం : సూర్య
విశాఖ భీమిలి బీచ్ సమీపంలో శనివారం ఘోర రోడ్డు ప్రమాదం చోటుచేసుకుంది. ఐఎన్ఎస్ కళింగ సమీపంలో వేగంగా వెళ్తున్న కారు అదుపుతప్పి త్రినేత్ర గోడను బలంగా ఢీకొట్టింది. ఢీకొన్న వేగానికి కారు ఏకంగా మూడు పల్టీలు కొట్టడంతో అందులో ప్రయాణిస్తున్న వారిలో ఒకరు మృతి చెందగా, మరో ముగ్గురు తీవ్రంగా గాయపడ్డారు.ప్రమాద తీవ్రతకు కారు నుజ్జునుజ్జయినట్లు తెలుస్తోంది. క్షతగాత్రులను వెంటనే భీమిలి ప్రభుత్వ ఆసుపత్రికి తరలించి చికిత్స అందిస్తున్నారు. ప్రమాదానికి గురైన వారంతా గీతం విద్యాసంస్థకు చెందిన విద్యార్థులుగా ప్రాథమికంగా తెలుస్తోంది. అయితే వారి వివరాలు ఇంకా తెలియాల్సి ఉంది.సమాచారం అందుకున్న భీమిలి పోలీసులు ఘటనా స్థలానికి చేరుకుని ప్రమాదంపై దర్యాప్తు చేపట్టారు. ప్రమాదానికి గల కారణాలు, మృతుడు, క్షతగాత్రుల పూర్తి వివరాలు తెలియాల్సి ఉంది.
