8, 9 తేదీల్లో ఎస్వీ మ్యూజియం ట్రయల్ రన్ నిలిపివేత.. 16 నుంచి భక్తులకు అనుమతి

తిరుమల:తిరుమలలోని శ్రీ వేంకటేశ్వర (ఎస్వీ) మ్యూజియంలో నిర్వహణ పనుల కారణంగా ఈ నెల 8, 9 తేదీలలో ట్రయల్ రన్‌ను తాత్కాలికంగా నిలిపివేస్తున్నట్లు తిరుమల తిరుపతి దేవస్థానం (టీటీడీ) తెలిపింది.

తిరిగి నవంబర్ 10వ తేదీ నుంచి 15వ తేదీ వరకు ఉదయం 10:00 గంటల నుంచి సాయంత్రం 5:00 గంటల వరకు టీటీడీ ఉద్యోగులు, వారి కుటుంబ సభ్యులు, పాత్రికేయులు (జర్నలిస్టులు) వారి కుటుంబ సభ్యులు, టీటీడీ విద్యాసంస్థల విద్యార్థులు, ఇతర పాఠశాలల విద్యార్థులు మరియు శ్రీవారి సేవకులకు మ్యూజియం ఉచిత సందర్శనకు అనుమతిస్తారు.

అనంతరం నవంబర్ 16వ తేదీ నుంచి సాధారణ సందర్శకులు మరియు భక్తుల కోసం ఎస్వీ మ్యూజియంను పూర్తిస్థాయిలో ప్రారంభించనున్నారు. ప్రవేశ రుసుము రూ.50గా నిర్ణయించినట్లు టీటీడీ ముఖ్య ప్రజా సంబంధాల అధికారి (PRO) ప్రకటనలో తెలిపారు.