మండల ప్రత్యేక అధికారి జగదీష్.

పెద్ద శంకరంపేట్; వర్ష భావ పరిస్థితులను దృష్టిలో ఉంచుకొని గ్రామాలలో తాగునీటి ఇబ్బంది లేకుండా అధికారులు సరైన చర్యలు తీసుకోవాలని పెద్ద శంకరంపేట మండల ప్రత్యేక అధికారి సివిల్ సప్లై డిఎం జగదీష్ పేర్కొన్నారు. శుక్రవారం పెద్ద శంకరంపేట మండల పరిధిలోని ఇసుకపాయల తాండ గ్రామపంచాయతీలో నిర్వహించిన గ్రామసభలో పాల్గొని అనంతరం ఇంకుడు గుంత నిర్మాణానికి మార్కింగ్ చేశారు.. ప్రతి ఇంటికి తప్పనిసరిగా ఎక్కడ గుంతలు నిర్మించుకోవాలన్నారు. గ్రామాలకు ఇచ్చిన లక్ష్యం మేరకు తప్పనిసరిగా నవంబర్ 30వ తేదీ లోపు గ్రామాలలో ఇంకుడు గుంతల నిర్మాణం పూర్తయ్యేలా అధికారులు చర్యలు తీసుకోవాలన్నారు. ఇంకుడు గుంతలు నిర్మించుకోవడం వల్ల భూగర్భ జలాలను పెంపొందించుకోవచ్చని వివరించారు. కాగా గొట్టిముక్కల గ్రామంలో సైతం అధికారులు ఇంకుడు గుంత నిర్మాణానికి మార్కింగ్ చేశారు. ఈ కార్యక్రమంలో తాసిల్దార్ నారాయణ ఎంపీడీవో షాకీర్ అలీ. వ్యవసాయ అధికారి నాదం కృష్ణ  ఎం పి ఓ జాకీర్ హుస్సేన్. సర్పంచులు కవిత. బి రవీందర్. హాయ్ శాఖల అధికారులు గ్రామస్తులు తదితరులు పాల్గొన్నారు.