andhrapradesh
వస్తువులు అడిగి పుస్తెలతాడు లాక్కెళ్లిన దుండగుడు
మెలియాపుట్టి. నవంబర్ 13. మేజర్ న్యూస్...
మహిళ దృష్టి మరల్చి బంగారు పుస్తెలతాడును అపహరించిన ఘటన మెలియాపుట్టి మండలంలోని డేగలపోలూరు గ్రామం వద్ద శుక్రవారం చోటుచేసుకుంది. గ్రామానికి చెందిన శనాపతి శ్రీదేవి (50) ఇంటి వద్ద ఫ్యాన్సీ షాపు నిర్వహిస్తున్నారు. మధ్యాహ్నం బైక్‌పై వచ్చిన ఇద్దరు గుర్తుతెలియని వ్యక్తుల్లో ఒకరు షాపులోకి వెళ్లి వాటర్‌ బాటిల్‌, మిక్సర్‌ ప్యాకెట్‌, సేగోడీలు కావాలని అడిగాడు. వాటిని ఇచ్చేందుకు శ్రీదేవి వెనక్కి తిరగడంతో ఆమె మెడలోని సుమారు రెండు తులాల బంగారు పుస్తెలతాడును లాక్కొని బయట వేచి ఉన్న మరో వ్యక్తితో కలిసి బైక్‌పై టెక్కలి వైపు పరారయ్యాడు. బాధితురాలి ఫిర్యాదు మేరకు ఎస్సై మహమ్మద్‌ అమీర్‌ అలీ కేసు నమోదు చేసి దర్యాప్తు చేస్తున్నారు.
