andhrapradesh
కాశీబుగ్గలో అగ్నిప్రమాదం - గడ్డికుప్ప బూడిద.
టపాసుల నిప్పురవ్వలే కారణమని అనుమానం - లబోదిబో మంటున్న రైతు.
పలాస, నవంబర్ 13, మేజర్ న్యూస్.
కాశీబుగ్గ శివాలయం వీధికి చెందిన రైతు లండ పెంటారావు గడ్డికుప్ప శుక్రవారం అగ్నికి ఆహుతైంది. కాశీగుండం సమీపంలో ఉన్న ఈ గడ్డికుప్ప పూర్తిగా కాలి బూడిదైంది.నాగులచవితి సందర్భంగా పుట్ట వద్ద పూజలు చేస్తుండగా, గుర్తుతెలియని వ్యక్తులు కాల్చిన టపాసుల నిప్పురవ్వలు పడడంతో ఈ ప్రమాదం జరిగిందని స్థానికులు భావిస్తున్నారు.ఏడాది పొడవునా పశువుల కోసం దాచుకున్న గడ్డి కాలిపోవడంతో రైతు పెంటారావు లబోదిబోమంటున్నాడు. తన పశువులకు మేత లేక ఇబ్బంది పడుతున్నామని ఆవేదన వ్యక్తం చేశాడు.స్థానికులు మంటలను ఆర్పేందుకు ప్రయత్నించినా, గడ్డికుప్ప పూర్తిగా దగ్ధమైంది. నష్టం విలువ ఇంకా తెలియాల్సి ఉంది.
