andhrapradesh
బొడ్డపాడు రైల్వే గేటు తాత్కాలికంగా మూసివేత.
మరమ్మతుల కారణంగా రాకపోకలకు అంతరాయం - ప్రత్యామ్నాయ మార్గాలు వాడాలని రైల్వే అధికారుల విజ్ఞప్తి.
పలాస, నవంబర్ 13,మేజర్ న్యూస్.
పలాస మండలం సుమ్మాదేవి రైల్వే స్టేషన్ సమీపంలో ఉన్న బొడ్డపాడు రైల్వే గేటు ను మరమ్మతుల నిమిత్తం తాత్కాలికంగా మూసివేశారు.గేటు మరమ్మతు పనులు చేపడుతున్న నేపథ్యంలో ఆ మార్గంలో వాహనాల రాకపోకలకు అవకాశం లేదని రైల్వే అధికారులు తెలిపారు. వాహన చోదకులు, ప్రయాణికులు తమకు సహకరించాలని, ప్రత్యామ్నాయ మార్గాలను వినియోగించుకోవాలని కోరారు.బొడ్డపాడు రైల్వే గేటుపై నుంచి నిత్యం బొడ్డపాడు, మాకన్నపల్లి తదితర ప్రాంత ప్రజలు రాకపోకలు సాగిస్తున్నారు. గేటు మూసివేతతో ఆ ప్రాంత ప్రజలు కొంత ఇబ్బంది పడుతున్నారు. మరమ్మతు పనులు పూర్తయిన వెంటనే గేటును తిరిగి తెరుస్తామని అధికారులు తెలిపారు.
