సూర్య తిర్యాణి : కుమురం భీం ఆసిఫాబాద్ జిల్లా తిర్యాణి మండలంలోని మంగి గ్రామ పంచాయతీ ఆధ్వర్యంలో ఈ నెల 15న (ఆదివారం) ఆదివాసీ పోరాట యోధుడు కొమురం భీం 86వ వర్ధంతి కార్యక్రమం నిర్వహించనున్నారు. ఈ కార్యక్రమానికి హాజరుకావాలని గ్రామ పంచాయతీ ప్రతినిధులు, గ్రామస్తులు జిల్లా కలెక్టర్ కే. హరితను కలిసి ఆహ్వాన పత్రిక అందజేశారు.‘జల్, జంగల్, జమీన్’ నినాదంతో ఆదివాసీల హక్కుల కోసం పోరాడిన కొమురం భీం ఆశయాలను స్మరించుకుంటూ ఏటా గిరిజన గ్రామాల్లో ఆయన వర్ధంతిని నిర్వహిస్తున్నట్లు గ్రామస్తులు తెలిపారు.
కలెక్టర్‌ను కలిసిన వారిలో సర్పంచ్ వినోద్, గ్రామ పటేళ్లు, గ్రామ పెద్దలు, గ్రామస్తులు ఉన్నారు.
