బీజేపీ మండల కమిటీల నియామకం

నవాబుపేట సూర్య న్యూస్: నవాబుపేట మండలంలో భారతీయ జనతా పార్టీని మరింత బలోపేతం చేసే లక్ష్యంతో వివిధ విభాగాల మండల అధ్యక్షులు,పార్టీ పదాధికారులను నియమించారు.ఈ మేరకు మంగళవారం మండల కేంద్రంలో నిర్వహించిన కార్యక్రమంలో బీజేపీ మండల అధ్యక్షుడు లక్ష్మీనారాయణ నూతనంగా నియమితులైన వారికి నియామక పత్రాలు అందజేశారు.ఈ నియామకాల్లో భాగంగా మండల పార్టీ ఉపాధ్యక్షుడిగా కొల్లూరుకు చెందిన కృష్ణారెడ్డి,పార్టీ కార్యదర్శిగా జంగమయ్యపల్లికి చెందిన ఉప సర్పంచ్ శ్రీనివాసులు,యువజన విభాగం మండల అధ్యక్షుడిగా కేశవరావుపల్లికి చెందిన నరేష్ యాదవ్,మహిళా విభాగం మండల అధ్యక్షురాలిగా లోకిరేవుకు చెందిన రజిని శ్రీనివాస్ నియమితులయ్యారు.అలాగే నవాబుపేట పట్టణ అధ్యక్షుడిగా చిర్ప నరేష్ ముదిరాజ్,ఎస్సీ విభాగం మండల అధ్యక్షుడిగా యన్మనగండ్లకు చెందిన రమేష్,రైతు విభాగం మండల అధ్యక్షుడిగా కాకర్లపహాడ్‌కు చెందిన పాశం నర్సింహులు,వెనుకబడిన తరగతుల విభాగం మండల అధ్యక్షుడిగా రుద్రారానికి చెందిన సంద రమేష్ ముదిరాజ్ నియమితులయ్యారు.ఈ సందర్భంగా నూతనంగా నియమితులైన నాయకులు పార్టీ అభివృద్ధికి,బలోపేతానికి కృషి చేయాలని నాయకులు ఆకాంక్షించారు.ఈ కార్యక్రమంలో నాయకులు శ్రీనివాసులు,పాశం నరేందర్,గణేష్ తదితరులు పాల్గొన్నారు.