చీటూర్ పాఠశాలలో మధ్యాహ్న భోజనాన్ని తనిఖీ చేసిన సర్పంచ్ గణేష్

లింగాలఘణపూర్ , మేజర్ న్యూస్, లింగాలఘణపూర్ మండలం చిటూర్ గ్రామంలో స్థానిక ప్రాథమిక పాఠశాలలో విద్యార్థులకు అందిస్తున్న మధ్యాహ్న భోజన నాణ్యతను గ్రామ సర్పంచ్ బర్ల గణేష్ మంగళవారం ఆకస్మికంగా తనిఖీ చేశారు.ఈ సందర్భంగా పాఠశాల వంటశాలను పరిశీలించి, ఆహార పదార్థాల నిల్వలు, తాగునీరు, పరిశుభ్రత తదితర అంశాలను పరిశీలించారు.అనంతరం విద్యార్థులకు వడ్డిస్తున్న ఆహారాన్ని స్వయంగా రుచి చూసి, వారితో కలిసి సహపంక్తి భోజనం చేశారు.ఈ సందర్భంగా సర్పంచ్ మాట్లాడుతూ ప్రభుత్వం నిర్దేశించిన మెనూ ప్రకారం విద్యార్థులకు నిత్యం నాణ్యమైన, రుచికరమైన, పౌష్టికాహారాన్ని అందించాలని వంట నిర్వాహకులకు స్పష్టం చేశారు. భోజనం తయారీలో పరిశుభ్రత పాటించడంతో పాటు ఎలాంటి అలసత్వం వహించవద్దని హెచ్చరించారు. విద్యార్థుల ఆరోగ్యం, చదువుపై ప్రత్యేక శ్రద్ధ తీసుకోవాలని ఉపాధ్యాయులకు సూచించారు.ఈ కార్యక్రమంలో చిలుపురం మంజుల, రవి, మబ్బు రేఖ, కొడిశాల అనిత, పాఠశాల ఉపాధ్యాయులు, గ్రామ ప్రముఖులు తదితరులు పాల్గొన్నారు.

రిపోర్టర్ ;గన్ను కార్తీక్ ,లింగాల గణపురం, జనగామ జిల్లా