విద్యార్థుల భద్రతకు భరోసా కల్పించాలి.. కేఎస్‌ఎన్ కళాశాల ప్రిన్సిపాల్‌పై చర్యలు తీసుకోవాలి.. కళ్లకు గంతలు కట్టుకుని విద్యార్థి సంఘాల వినూత్న నిరసన
అనంతపురం విద్య మేజర్ న్యూస్:-రాష్ట్రంలో విద్యార్థులకు రక్షణ, భద్రత కల్పించాలని డిమాండ్ చేస్తూ ఏఐఎస్‌బీ, బీసీవై విద్యార్థి విభాగం నాయకులు అనంతపురంలోని అంబేద్కర్ విగ్రహం ఎదుట కళ్లకు గంతలు కట్టుకుని వినూత్న నిరసన చేపట్టారు.
ఈ సందర్భంగా ఏఐఎస్‌బీ రాష్ట్ర ప్రధాన కార్యదర్శి పృథ్వీ, బీసీవై విద్యార్థి విభాగం రాష్ట్ర కన్వీనర్ సురేష్ యాదవ్ మాట్లాడుతూ.. కేజీబీవీల్లో ఆహార కలుషిత ఘటనలు, రాప్తాడు ఘటన, కేఎస్‌ఎన్ డిగ్రీ కళాశాలలో విద్యార్థి భవనం నుంచి కిందపడిన ఘటనలు విద్యార్థుల భద్రతపై ఆందోళన కలిగిస్తున్నాయన్నారు.
కేఎస్‌ఎన్ కళాశాల ఘటనపై యాజమాన్యం, ప్రిన్సిపాల్ బాధ్యత వహించాలని, వారిపై చర్యలు తీసుకోవాలని డిమాండ్ చేశారు. విద్యాశాఖ మంత్రి నారా లోకేశ్ స్పందించి విద్యాసంస్థల్లో భద్రతపై ప్రత్యేక సమీక్ష నిర్వహించాలని కోరారు. మహిళా విద్యార్థులకు రక్షణ కల్పించాలని, అధికారుల పర్యవేక్షణ పెంచాలని విజ్ఞప్తి చేశారు.
మల్లికార్జున నేటి దినపత్రిక సూర్య స్టాఫ్ రిపోర్టర్..
