కొల్లూరు గ్రామ శివారులో ఆధ్యాత్మిక శోభతో వనభోజనాలు
ఝరాసంగం l ః ఝరాసంగం మండల పరిధిలోని కొల్లూరు గ్రామ శివారులో ఆలయం వద్ద నిర్వహించిన వనభోజన కార్యక్రమం ఉత్సాహభరిత వాతావరణంలో సాగింది. ఈ కార్యక్రమంలో కాంగ్రెస్ పార్టీ సీనియర్ నాయకులు హన్మంతరావు పాటిల్, నందకుమార్ పాటిల్, బీఆర్ఎస్ పార్టీ నాయకులు, మండలం లోని వివిధ గ్రామాల సర్పంచ్ లతో పాటు వివిధ గ్రామాలకు చెందిన గ్రామ పెద్దలు, యువకులు, ప్రజాప్రతినిధులు పెద్ద సంఖ్యలో పాల్గొన్నారు.ఈ కార్యక్రమాన్ని నిర్వాహకులు డప్పుర్ సంగమేశ్వర్ ఆధ్వర్యంలో నిర్వహించారు. రాజకీయాలకు అతీతంగా కాంగ్రెస్, బీఆర్ఎస్ పార్టీల నాయకులు ఒకేచోట చేరి ఆత్మీయంగా వనభోజనాల్లో పాల్గొనడం ప్రత్యేక ఆకర్షణగా నిలిచింది. వివిధ గ్రామాల నుంచి వచ్చిన నాయకులు, గ్రామ పెద్దలు, యువకులు పరస్పరం ఆత్మీయంగా పలకరించుకుంటూ ఆనందంగా గడిపారు.ఇలాంటి కార్యక్రమాలు రాజకీయాలకు అతీతంగా గ్రామాల మధ్య స్నేహసంబంధాలను బలోపేతం చేయడంతో పాటు ఐక్యత, సోదరభావాన్ని పెంపొందిస్తాయని పలువురు అభిప్రాయపడ్డారు. ఆధ్యాత్మికత, సంప్రదాయాలు, సామాజిక ఐక్యతను చాటిచెప్పేలా నిర్వహించిన ఈ వనభోజన కార్యక్రమం అందరి భాగస్వామ్యంతో విజయవంతమైంది.