బెండమూర్లంక సర్పంచ్ అభ్యర్థిగా యాళ్ల శ్రీవాణి
- బెండమూర్లంక సర్పంచ్ అభ్యర్థిగా యాళ్ల శ్రీవాణి
- కూటమి అభ్యర్థి ఒక్కరే.. స్పష్టం చేసిన ఎమ్మెల్యే ఆనందరావు
- కత్తెర గుర్తుపై ఓటు వేసి శ్రీవాణిని గెలిపించాలి
- రెబల్ అభ్యర్థులకు కూటమి మద్దతు లేదు: మెట్ల రమణబాబు
అమలాపురం మేజర్ న్యూస్
బెండమూర్లంక గ్రామ సర్పంచ్ అభ్యర్థిగా యాళ్ల దొరబాబు సతీమణి యాళ్ల శ్రీవాణిని కూటమి అధికారిక అభ్యర్థిగా నిర్ణయించినట్లు ఎమ్మెల్యే ఆనందరావు స్పష్టం చేశారు.
అల్లవరం మండలంలో సర్పంచ్ పదవిని బీజేపీకి కేటాయించామని, కూటమి తరఫున యాళ్ల శ్రీవాణి ఒక్కరే అధికారిక అభ్యర్థి అని తెలిపారు. ఆమె ఎన్నికల గుర్తు కత్తెర అని, ఆ గుర్తుపై ఓటు వేసి అఖండ మెజారిటీతో గెలిపించాలని ఓటర్లను కోరారు. కూటమి తరఫున మరొక అభ్యర్థి ఎవరూ లేరని స్పష్టం చేశారు.
ఈ సందర్భంగా జడ్పీటీసీ గుర్రం కృష్ణ (జీకే) మాట్లాడుతూ.. శ్రీవాణి విజయానికి తామంతా సమష్టిగా కృషి చేస్తామని తెలిపారు.
టీడీపీ రాష్ట్ర నాయకులు మెట్ల రమణబాబు మాట్లాడుతూ.. కూటమి అధికారికంగా ప్రకటించిన అభ్యర్థులను మాత్రమే గెలిపించాలని కోరారు. రెబల్ అభ్యర్థులను రెబల్ అభ్యర్థులుగానే పరిగణిస్తామని, కూటమి నిర్ణయానికి ప్రతి ఒక్కరూ సహకరించాలని విజ్ఞప్తి చేశారు.
ఈ కార్యక్రమంలో మెట్ల సత్య, యాళ్ల సత్యేంద్ర తదితరులు పాల్గొన్నారు.