కార్తీకోత్సవానికి పకడ్బందీ ఏర్పాట్లు
*-భక్తులకు ఎలాంటి ఇబ్బందులు కలగొద్దు.. శాఖలన్నీ సమన్వయంతో పనిచేయాలి*
*- కలెక్టర్ అనురాగ్ జయంతి*
*యాదాద్రి ప్రతినిధి, మేజర్ న్యూస్*
యాదగిరిగుట్ట శ్రీ లక్ష్మీనరసింహస్వామి క్షేత్రంలో ఈ నెల 20 నుంచి 22వ తేదీ వరకు మూడు రోజుల పాటు నిర్వహించనున్న కార్తీకోత్సవం–2026ను అత్యంత వైభవంగా నిర్వహించాలని జిల్లా కలెక్టర్ అనురాగ్ జయంతి అధికారులను ఆదేశించారు. భక్తులకు ఎలాంటి అసౌకర్యం కలగకుండా అన్ని శాఖలు సమన్వయంతో పనిచేస్తూ ముందస్తు ఏర్పాట్లు పూర్తి చేయాలని స్పష్టం చేశారు.
సోమవారం యాదగిరిగుట్ట దేవస్థాన ప్రధాన కార్యాలయంలో ఈవో జె. భవానీ శంకర్తో కలిసి కార్తీకోత్సవ ఏర్పాట్లపై కలెక్టర్ సమీక్ష నిర్వహించారు. ఉత్సవాల నిర్వహణ, భక్తులకు సౌకర్యాలు, భద్రత, రవాణా, పారిశుద్ధ్యం తదితర అంశాలపై అధికారులకు దిశానిర్దేశం చేశారు.