రష్యాపై ఈయూ మరో విడత ఆంక్షలు: 145 మంది వ్యక్తులు, సంస్థల జాబితా!
సూర్య గ్లోబల్ డెస్క్ (బ్రస్సెల్స్): ఉక్రెయిన్పై సైనిక చర్యలను కొనసాగిస్తున్న రష్యాను ఆర్థికంగా మరియు వ్యూహాత్మకంగా మరింత ఒత్తిడిలోకి నెట్టేందుకు **యూరోపియన్ యూనియన్ మరో కీలక నిర్ణయం తీసుకుంది. రష్యాపై కొత్త విడత ఆంక్షలను ప్రకటిస్తూ, యుద్ధానికి ప్రత్యక్షంగా లేదా పరోక్షంగా సహకరిస్తున్న మరో 145 మంది వ్యక్తులు మరియు సంస్థలపై కఠిన చర్యలు చేపట్టింది.
ఈ కొత్త ఆంక్షల జాబితాలో రష్యా రక్షణ రంగం, సైనిక పరికరాల సరఫరాదారులు, ఆర్థిక సంస్థలు మరియు తప్పుడు ప్రచారానికి పాల్పడుతున్న వ్యక్తులు ఉన్నట్లు సమాచారం. ఆంక్షల పరిధిలోకి వచ్చిన వ్యక్తులపై యూరోపియన్ యూనియన్ దేశాల్లో ప్రయాణ నిషేధం విధించడంతో పాటు, ఈయూ పరిధిలోని వారి ఆస్తులను స్తంభింపజేయనున్నారు
రష్యాకు ఆయుధాలు మరియు సాంకేతిక పరిజ్ఞానం అందకుండా కట్టడి చేయడమే లక్ష్యంగా ఈయూ ఈ ఆంక్షలను మరింత కఠినతరం చేసింది. అంతర్జాతీయ నిబంధనలను ఉల్లంఘిస్తూ రష్యాకు సహకరించే మూడో దేశాల సంస్థలపై కూడా నిఘా ఉంచామని యూరోపియన్ యూనియన్ స్పష్టం చేసింది.