కార్డియాక్, న్యూరోవాస్కులర్ చికిత్సలకు అత్యాధునిక క్యాథ్‌ల్యాబ్
హైదరాబాద్, మేజర్ న్యూస్ ప్రతినిధి : కార్డియాక్, న్యూరోవాస్కులర్ చికిత్సలను మరింత కచ్చితత్వంతో అందించేందుకు ఫైనాన్షియల్ డిస్ట్రిక్ట్‌లోని మెడికవర్ ఆసుపత్రిలో అత్యాధునిక క్యాథ్‌ల్యాబ్‌ను ప్రారంభించారు. ఇందులో భాగంగా అధునాతన క్యానన్ ఆల్ఫెనిక్స్ బైప్లేన్ ఇమేజింగ్ వ్యవస్థను అందుబాటులోకి తీసుకొచ్చారు. ఈ సాంకేతికతతో గుండె, మెదడు రక్తనాళాలకు సంబంధించిన వ్యాధుల నిర్ధారణ, చికిత్సలో స్పష్టమైన ఇమేజింగ్‌తో పాటు మరింత కచ్చితత్వం సాధ్యమవుతుందని ఆసుపత్రి వర్గాలు తెలిపాయి. ఈ ప్రారంభోత్సవానికి సైబరాబాద్ పోలీస్ కమిషనర్ డాక్టర్ ఎం. రమేష్, ముఖ్య అతిథిగా హాజరయ్యారు. మెడికవర్ హాస్పిటల్స్ ఎగ్జిక్యూటివ్ డైరెక్టర్, సీనియర్ కన్సల్టెంట్ ఇంటర్వెన్షనల్ కార్డియాలజిస్ట్ డాక్టర్ ఎ. శరత్ రెడ్డి పాల్గొన్నారు. సెంటర్ హెడ్ డాక్టర్ స్వరూప్, శరత్ చంద్రతో పాటు పలువురు వైద్యులు ఈ కార్యక్రమంలో పాల్గొన్నారు.
అత్యాధునిక వైద్య సాంకేతికతను అందుబాటులోకి తీసుకురావడం ద్వారా మెరుగైన వైద్య సేవలు అందించడం లో మరో ముందడుగు వేసినట్లు మెడికవర్ యాజమాన్యం పేర్కొంది.
