సూర్య జగిత్యాల ప్రతినిధి ;ఇందిరమ్మ ఇళ్లతో పేదల సొంతింటి కల సాకారం అవుతుందని ఎమ్మెల్యే డా. సంజయ్ కుమార్ అన్నారు. జగిత్యాల రూరల్ మండలం సంగంపల్లి గ్రామానికి చెందిన నేరెల్ల కవిత – స్వామి దంపతుల ఇందిరమ్మ ఇల్లు గృహప్రవేశ కార్యక్రమానికి హాజరై, నూతన గృహాన్ని ప్రారంభించి, దంపతులకు శుభాకాంక్షలు తెలిపారు. ఈ సందర్భంగా ఎమ్మెల్యే మాట్లాడుతూ ముఖ్యమంత్రి రేవంత్ రెడ్డి నాయకత్వంలో తెలంగాణ ప్రభుత్వం పేదల సొంతింటి కలను నిజం చేసేందుకు ఇందిరమ్మ ఇళ్ల పథకాన్ని ప్రతిష్టాత్మకంగా అమలు చేస్తోంది అన్నారు. పేద ప్రజల ఆత్మగౌరవం, భద్రత, భరోసా. ఎండకు, వానకు, చలికి ఇబ్బందులు పడుతూ గుడిసెల్లో జీవించే నిరుపేదలకు ఒక పక్కా ఇల్లు నిర్మించుకోవాలనే కల సాకారం ఇందిరమ్మ ఇళ్లు మంజూరు పథకం అన్నారు. ఆ కలను నిజం చేయాలనే సంకల్పంతో ప్రజా ప్రభుత్వం ఇందిరమ్మ ఇళ్ల పథకాన్ని తీసుకొచ్చింది. ఇప్పటికే గోడలు, పునాదులు బలంగా ఉండి, ఆర్థిక పరిస్థితులు అనుకూలించక రేకుల పైకప్పులు తో నివసిస్తున్న పేద కుటుంబాల కోసం ప్రభుత్వం ప్రత్యేకంగా రూఫ్ రీప్లేస్మెంట్ పథకాన్ని తీసుకొచ్చింది. అర్హత కలిగిన కుటుంబాలకు పాత పైకప్పు స్థానంలో పక్కా ఆర్‌సీసీ స్లాబ్ నిర్మించుకునేందుకు రూ.2 లక్షల వరకు ఆర్థిక సహాయం అందించనుంది అని అన్నారు.జగిత్యాల నియోజకవర్గానికి 500 రూఫ్ రీప్లేస్మెంట్ మంజూరు అయ్యాయి అని అన్నారు.తెలంగాణ రాష్ట్రంలో ఏ పేద కుటుంబం కూడా గుడిసెల్లో ఉండకూడదు. ప్రతి నిరుపేద కుటుంబానికి సురక్షితమైన ఇల్లు ఉండాలి అని ముఖ్య మంత్రి గారి ప్రధాన లక్ష్యం.రెండవ విడత ఇందిరమ్మ ఇళ్లు అతి త్వరలో మంజూరు చేస్తాం అన్నారు. ఈ కార్యక్రమంలో ఏఎంసీ చైర్మన్ గడ్డం నారాయణ రెడ్డి, మండల కాంగ్రెస్ పార్టీ అధ్యక్షులు బలముకుందాం మాజీ సర్పంచ్ అంజయ్య, సర్పంచ్ లు అంకతి మల్లయ్య, పరశురామ్ గౌడ్, మల్లేష్,సింగం శ్రీనివాస్, నాగపూషణం తదితర నాయకులు పాల్గొన్నారు.
